鼠鼠一男一女,但係點解吾會生BB?

除非做研究,如果唔係相信就唔會拎鼠鼠去做絕育手術了,做一個手術貴過隻鼠好多好多倍,又令鼠鼠身體受損

鼠鼠平日都會叫,但因為音頻唔同,所以一般情況係唔會叫到人都聽到,當鼠鼠叫到人都聽到既時候,就多數係感到痛苦or受驚
因此你講既情況似係佢地有打交or想打交(對住對方時受驚而叫)既行為

鼠鼠年幼時好多時都未咁快會打交,但慢慢長大後,就會出現佔地盆心態,因為鼠鼠本身係獨居動物,自然界中都係交配先會走埋一齊,平日係分開住既,所以將兩隻或以上既鼠放埋一齊,就好易打交了,咁既情況下當然唔易有bb

不過我女友細個有個經驗,佢兩隻鼠打到死晒,但期間都有生bb既
而我細個既鼠都係放埋一齊,但就多數年幼未打時生bb,之後兩隻兩隻一籠,好幾籠咁都死晒,之後好多次都有打死打傷既情況,証明就算同一胎or同唔同性別都有打死打傷既可能

如果勢力平均,好彩就冇死傷,但唔好彩既就好易打傷打死,加上繁殖鼠鼠成功既話係可以好快好多,所以希望你可以考慮下唔好去繁殖鼠鼠,建議一籠一鼠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

另外,因為佢地可能已有打交or想打交既行為,所以要多加留意鼠鼠既身體及排泄物有冇異常,受驚都可以誘發肚濕,濕尾症,甩毛,甚至嚇死既情況,所以唔好掉以輕心
留意到有問題,當然要盡快處理啦