被澳門AIA呃~ 點投訴呀??

澳門AIA

爸爸三個月前去世了

我爸爸買左十幾廿年保險
每年供六千幾蚊
一之都未CLAIM過
買時又話每次可以CLAIM到十幾萬

我地加埋都幫爸爸交左十幾萬保費
AIA話最多只可以CLAIM到 " 一萬三千蚊"
已經好嬲..因為佢話個AGENT幫我地買錯晒D保險
錯左十幾廿年
都算啦! 我地今日攞晒所有政府發出既證明文件上去
佢話.."對唔住喎...唔CLAIM得俾你"
佢叫我地一係請律師去法院幫我地攪..咁先可以攞返O個萬幾蚊!

個保險乜都話唔包
爸爸用既藥,X-RAY,CT SCAN,MRI..全部都話係雜費!
佢地話唔會計一D買保險時未發明既野!
咁即係乜都唔保!

就係咁..我地白白俾左十幾萬AIA
到最後我爸爸死左
一亳子都攞唔到
除非我地請律師啦..如果唔係萬三蚊都冇埋

同澳門AIA 投訴
佢地話.."你簽保單既時候應該要睇清楚".."我地全部都係合法既"

點先可以有效地投訴呀?