整兩個原子印, 點知遇上騙子! 大家分享經驗, 小心咪中計呀!

事緣上星期老細叫我FAX印樣去整兩個印, 我唔知( 圖章總會 ) 個
電話, 仲未問同事攞, 就有個SALES上嚟話係唔係要整印呀? 我仲
以為係老細CALL佢嚟嘅, 比咗內容款式佢, 我問佢: 「你係唔係
圖章總會嘅SALES嚟?」, 佢仲話係係係, 一樣嘅啫, 點知張咭片
連公司電話地址都無嘅! 得個手機電話, 即係一人公司啦! 而公司
名就夠膽偷用「香港圖章總會」個名, 我知道( 圖章總會 ) 廠房
在觀塘近地鐵站, 就問佢公司喺邊度, 佢哦來哦去又話旺角, 一陣
又話銅鑼灣, 又話屯門, 原來係租用商務中心, 幾十蚊借名用果D!

我梗係話唔使佢整啦, 點知咁啱有客到, 一開門佢就乘機跑咗出去!
我連忙打佢手機, 話未能接通, 打咗成兩日至通到, 佢一知係我就
即刻扮收唔清, 「我轉頭搵妳呀吓!」, 當然係唔會覆啦! 聽朝一早
就話送印上嚟收錢, 我知實唔夠呢個賤人鬥, 唯有比票啦, 點知佢
一定要收現金, 原來佢係冒充( 圖章總會 )嘅, 所以不能收支票入數!
最後比現金踢佢走, 剩番兩個貴過人, 而且肉酸嘅原子印!