如何令倉鼠不咬我

了解一下鼠鼠點解咬人,就可以避免俾鼠鼠咬了

成日咬人既原因多數有以下幾個可能:
A.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以慢慢唻,俾d耐性同時間吧
既然佢驚你你就唔好太強迫佢俾你摸or抱之類住.去沖涼都困難既話,就用物品幫手,好似用食物盆運佢去or用野食引佢去沖,不過小心d唔好趺親鼠鼠呀

養耐左都同鼠鼠唔熟,都可以試下再同鼠鼠熟返:
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.

B.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠

C.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

D.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

E.你手有食物既氣味,鼠鼠有機會會誤以為係食物而咬落去

F.懷孕既鼠都會特別精神緊張,從而成日咬人

被鼠鼠咬到,記得消毒同貼膠布呀^^

2007-08-18 23:13:01 補充：
我唔建議打鼠鼠,鼠鼠身體好弱小,如果力度過大就好危險,特別係如果佢唔舒服先特別保護自己而咬人,打一打佢就更易出事希望發問者or樓下網友都可以考慮唔好打鼠鼠(並冇惡意or攻擊樓下網友,只想鼠鼠好,勿見怪)

2007-08-25 23:09:13 補充：
我兜得唔好放鼠鼠入膠袋會好d....實在危險,而且真係會令鼠鼠好驚,受驚係可大可小既,受驚都會令鼠鼠有機會甩毛,肚濕,濕尾症,甚至嚇死

有寵物書專講養倉鼠的話:
先用手指餵佢食, 好幾次之後,
等佢爬上你隻手度

都係戴手套/入佢係一個透明膠袋度 觀察佢.....
十萬分注意: 唔好收埋太耐, 會焗親佢or 會嚇死佢....1分鐘度ok

可能你隻手有汗or食物的氣味令佢以為你隻手係食物,下次你示下洗手先摸佢可能好D!

多d同倉鼠玩,令佢中2你,得到佢信任!!!

俾倉鼠信任你