大家拍左兩年幾拖..應唔應該管男友既財政呢

你地兩個人之間既權利 係咪應該你地自己兩個去傾
d人話d人話 人地話乜都得咖啦 最終受呢個決定既影響既人係你自己同你另一半
咁決定前係咪應該睇下另一半既睇法先?
拍拖冇話邊樣係岩或錯 邊樣一定要做或者唔做

正如你果句->拍拖都唔比你管..結左婚唔洗旨意比你管呀佢d野
但如果拍拖已經管家婆咁 婚後重得了?比著我係男人我都會咁諗囉

又好似->兩個人拍拖有大家既野..大家都唔應該管對方...
完全唔管?咁同普通朋友有咩分別?有時要分輕重
作為女朋友去管制另一半有第三者存在 冇問題個喎
但管制對方識朋友就可能有問題

有時做女朋友的確比朋友係多一d優待
做人老婆比做人女朋友會更加多優待
而你呢刻只係人地女朋友 係咪真係要管得對方咁多呢?
對方既意願又係點呢?你唔去問下打聽下?

其實佢出幾錢人工 不如你問返你自己 關你乜事?
佢要比家用你咩?佢要養你咩?佢要供書教學你咩?
如果你係佢老婆 佢要比家用你 佢要養你 佢要對你地既子女支出作出供書教學既錢
你想知佢人工係幾多 冇問題

呢d野其實同自己另一半溝通下會比較好
我對我老公都係咖 婚前我從不過問佢財政
每個人都有佢自己個人既野 唔一定要同我分享
婚後 我有問過佢介唔介意出糧單聲我知同埋出幾多
我都有同佢講介意就唔使講 唔介意先講
呢d係尊重對方 同埋係溝通
有時如果用迫既方式未必令人鍾意
但好好傾下溝通下 大家明白大家出發點係乜
大家就下 問題好易解決

呢d只係我意見 最終決定希望落返係你同你男朋友之間 一齊去決定

其實我讚成AA制,每人管自己一份$,若果公家野好似水電費咁就一人出一半,但都唔可以跟跟計較,菇韓.男人好怕煩,唔鍾意連$都比人束博住,成日比人問你d$洗左去邊,真係好難頂,但可能有種你洗就得,我洗就唔得既心態,覺得你霸道,冇自由,令人討厭,分手

同意樓上看法、
冇話男女朋友，
就算兩公婆，
都應該分清楚
費事分了手
還要搵律師
還要給人唱
現在的人和事
今天都唔知明天如何？
都係清清楚楚的好

個人認為無論男女結婚前或後，都應該財政獨立，今日唔知聽日事，對大家都有保障。曾經有個朋友，拍拖、同居跟住結婚一齊10年，兩個人都有工作，財政比晒老婆管理，突然有一日，個女人提出分手，但係就唔肯比番d錢個男人，攪到個男人拍手無塵，一無所有，好慘！真人真事。〔並唔係針對女性〕世事多變，妨人之心不可無，今日同你卿卿我我，聽日你有你我有我。

你當佢係乜先？係男朋友？係結婚對象？其實男女之間的事呢，並無固定的規律，亦冇話要點做先至啱！兩個人的財政是否獨立，你地兩個人應該要有共識！冇共識就要傾到有！傾唔埋就即係唔啱key啦！咁樣講，你明未！

um.....如果係我我就唔會o係拍拖o既時候管呢d o野......始終都係男/女朋友關係...唔係兩公婆......
因為如果您管埋呢d o野,您就開咗個頭比佢有機會管您任何o野,而我就唔係好鐘意比人管住晒,所以我唔會管....由其係錢銀咁緊要o既o野,留返d空間比大家好d.........
除非您地已經好好好好stable,已經去到非君不嫁的階段啦!!

而您話出幾多錢都叫您唔好問?? 您係咪指您地平時去街佢出錢但叫您唔好問佢幾多錢呢?? 如果係咁其實佢只不過諗住佢係您bf,同您出街比錢唔想您粗心and擔心話您知之後您一陣又話要夾返錢比佢or叫佢唔好亂駛錢之類o即...唔好太多心啦!! ^^