畏魚量但有時D魚食唔灑D魚量就係缸底發毛,D毛粘滿灑D水草,點算?

１．餵魚一日一次夠啦，放糧要五分鐘食得哂為準，少少餓唔會死，多多糧食唔完會爛，食得哂就狂痾，都會令水質差。剩糧發毛，一係就人手用泵換水時吸走，一係就用工作魚（鼠魚）或蝦（如大和藻蝦）幫手清理。
２．水質差，因為氮化物同其他養份多。草用唔哂，就益左ｄ藻類。我恐怕你所謂「D毛粘滿灑D水草」，其實係藻唔係毛。
由於你冇相俾我睇，真係唔知你o個ｄ係乜野藻。市面上有殺藻藥，但殺得藻都可能對蝦／螺同硝化菌有影響。
大和藻蝦／角螺／黑線飛狐／黑摩利／小精靈都係會食藻o既生物，可以一試；如果係泥面出現一片藍綠色o既膜，就係相當煩o既藍綠藻，佢其實係細菌，魚蝦都唔食，要成片連泥吸走。
一叢叢黑／深綠色毛球的話就最煩，呢ｄ叫黑毛藻，好難根治，市面上o既黑毛藥好勁，好多草友都話跟足份量會死魚。可以試呢隻碳肥（係，唔係藥，但係真係對黑毛有效，因為黑毛成因之一係水中co2 太少，下面個 website 都有講）：
http://www.aquaessentials.co.uk/index.php?main_page=product_info&products_id=303
用針筒吸入，成個筒入缸，向住黑毛噴射，幾日內毛球會變紅色，然後溶左，好駛得，大範圍中招o既葉最好就剪走；真係搞唔掂的話，可以用建議份量o既雙倍（驚有個別草種唔受得可以少ｄ），加光合成細菌（PSB），第二日換水，都係有效做法。有人用稀釋漂白水浸受影響o既葉，但太危險，我唔敢試。黑線飛狐會食，但有糧佢地就會食糧唔食藻，如果有其他魚（焗住餵糧）或有莫絲（佢地會食莫絲嫩葉）的話，黑線飛狐唔係好選擇。
總括而言，要減少藻類：
１．拔草有基肥走出o黎要吸走，施肥唔好太多
２．餵魚唔好過量
３．唔好太強光（玻璃上o既點點青苔），燈要用6500-8000k 色溫o既管，陽光唔好照到缸（會出現綠水）
４．生物防治，上述o既生物都可以考慮
５．生得慢o既草最易有藻生係葉上，要特別留意
６．買草時要小心揀，有藻的話唔好買；入缸前浸下鹽水同加殺藻藥水
７．最緊要，換水要勤力，水質要保持監察住，可以買試劑，量度水o既 NO2，PO4，呢ｄ都係惹藻o既源頭

2007-08-18 01:49:09 補充：
隻碳肥魚街有得賣，但唔係間間有，可以去專賣水草o個兩間搵。

玩水草同咸水一樣,淨係識換水,死魚就買魚係冇用既,
最緊要生態平衡,制造一個近乎自然既環境,
改下畏治方式,少食多餐,唔好一次過落太多魚糧,逐少落等佢食完先再落
同埋買D專食垃圾既生物(魚),雖然有時佢地既外貌好討厭,但對生態平衡好有用,因為食净既魚糧會污染水質

washD水草