機鋪規則...........

跟機多數有兩種

第一種係佢玩完 (再入$) 果時就到你
第二種係佢玩哂佢機上面或者膠袋入面d錢就到你

好人的話咪第一種 , 不過第二種就無得點駁佢

但有時都要睇機種的 ,
就如賽車多數係第二種 , 而太鼓咁玩得耐既就多數第一種

如果成堆$1放係到 , 你都可以放 ~
數下有幾多個$1你就知自己排第幾

呢個只係約定俗成既規則。
放個$1，意思係指，"我跟機啦！"

咁當打緊既人，唔打，走之後，"最先" "跟機"既人，就可以打。

如果原本打緊既人，要再打既，都無咩問題。因為佢係坐左落去先。

但有d人，會會讓朋友打，咁就唔係幾好。(因為唔係原本的人)

一般黎講，無分輸定win. 你放一蚊係度，佢完成左個局遊戲就要到你。(如果佢枱面無放錢)

如果佢枱面放左十個一蚊，你放一蚊係度，佢輸左都可以再入，直到用哂個十蚊為止。佢唔可以入第十一蚊，因為你跟緊機。

但都會有d惡霸，佢放左一蚊係度 (即係跟機一局拉) 但你又放左一蚊係度，佢輸嘰時侯唔用枱面個一蚊，係褲袋度拎一蚊出來再入，枱面個一蚊當無限跟機，咁都無佢乎。