皮膚上的紅點??

有一個問題, 你的紅點有沒有凸出來, 如果有而又唔痕的話, 有可能係熱痱, 因為我有朋友都係咁.唔痕, 但係唔會散.

但若果唔凸出來, 係喺皮膚入面, 但係又睇到的話就可能係爆咗微絲血管嘞. 因為我自己都係咁, 尤其是係手臂位置, 紅色一粒粒, 好不幸, 呢樣野係唔會散既, 因為你嗰個位始終都係有微絲血管係度. d 血始終都會運行到去.

點形成架呢 ?

如果你想知, 好簡單, 你試下大力d 打你自己手臂一下, 立即會多幾粒, 因為你身體裡面其實係遍佈咗無數咁多既微絲血管既, 如果你好大力咁打自己一下, 咁就會打爆咗 d 微絲血管. 咁佢就會有d 血就出黎, 出現咗係你既皮膚表層, 你就會見到d 紅色一點點嘞, 就係咁簡單.

如果你有多d 資料, 先可以答多d 俾你喎~

不過紅點唔一定有病

可能過敏反應 (hypersensitivity), 身體產生histamine 同各類o既cytotoxin 去引發發炎反應, 只要遠離敏感原(藥物, 或一些蛋白質) 就得啦! 又或者睇醫生, 醫生會開d 類固醇藥膏俾你, 停止o左發炎反應就可以冇晒紅點啦~

又可能係皮膚 o既問題, 原因可能係細菌, 真菌等感染, 如果係因為咁o既話, 會有紅, 腫, 痛, 熱 o既病徵(好似暗瘡咁), 要睇醫生先得囉! 醫生會開抗生素藥膏俾你, 自然就藥到病除啦~

仲有一個可能性, 係皮膚乾燥, 同常都會跟一d 死皮脫落, 擦d 保濕Aqeous cream就得啦!

一句到尾, 如果想好番, 病各淺中醫啦!!!