✔ 最佳答案
長期靠藥物 , 絕對影響健康 , 好彩你都明白呢個道理 , 你要身體健康 , 跟本最好就係有均衡飲食 , 而你就更加要食多啲蔬菜同生果 , 增加纖維素 , 多飲暖水 , 先可解決便秘問題 !
我都唔喜歡飲水 , 因為淡而無味 , 但我會飲好多湯 , 我每餐都飲 3 大湯碗嘅湯呀 ! 話你知 , 飲暖水或熱飲 , 會比飲品有益 , 尤其是飯後 , 因為當你吃過飯後 , 腸內有很多油份 , 如你立即飲涷水或涷飲 , 腸內的油份遇冷 , 會變了肥膏 , 日子久了 , 腸內肥膏越來越多 , 容易腸有病呀 !
我亦不喜歡吃生果 , 因要批皮去核 , 好麻煩 , 所以我經常去果汁店買果汁飲 !不過 , 要係舊式果汁店 , 唔係許留山嗰啲 , 因為新式果汁店會加好多冰好多糖水俾你 , 唔飲好過飲 , 舊式果汁店 , 睇住佢地成個生果新鮮切開 , 然後搾汁 , 無糖水無冰 !
如果便秘 , 不要吃石榴及榴槤 , 應多吃大蕉、火龍果、木瓜 , 有助通便的 !
你真想健康好 , 就要糾正你的飲食習慣 !
2007-08-17 14:27:37 補充:
不吃橙 , 改吃奇異果 , 因奇異果的維他命 C 比橙更豐富。食唔到菜 , 可飲菜湯 , 或者將菜剁碎 , 混入魚肉/蝦肉/豬肉內 , 做成菜肉丸去蒸 , 可吃菜 , 又不油膩。現在是夏天 , 可煲潮州粥吃 , 煲過粥的米水, 有解喝及清熱氣的功效 , 水又有米的香味 , 不會淡而無味。我久不久會買 A+B 來飲 , 好有效 , 飲了即有大便 ! 是牛奶公司的 A+B 乳酸飲品 , 有原味及草莓味 , 超級市場及便利店都有得賣 , 特價 HKD 6.50忘記了告知你 , 減少飲奶 ( 維他奶、鮮牛奶、奶粉 )