約瑟bb,而家5個幾月

應該唔洗再浸,你試下俾一、兩粒乾狗糧餵下佢,睇下佢食唔食,或者浸糧時逐次減少水份,等佢慢慢適應。
食咩糧無所謂,我隻約瑟由一個月大養到依家十三歲,以前食寶路溝西莎,年紀大就轉低卡狗糧,依家食Hill's老狗糧。最緊要唔好俾雜食佢,見到佢食左健康、體重正常就唔使左轉右轉。
另外,每年定期帶狗狗打一支防疫針,三年一次打防瘋狗症針,每個月要定期吃心思蟲藥,狗狗一定會健健康康。
我帶隻狗去打針,醫生都讚,我隻女好健康架。

我隻約瑟依家四個多月，佢d牙仔好好，所以早係半個月前佢已經唔肯食浸糧。So far，我見佢d屎屎都好健康，無見到未消化既糧，其實佢已經有能力消化到晒。其實佢地牙痕，所以有糧比佢咬，佢好開心。
我屋企仲有大狗，係史納莎一歲，約瑟見到佢自己係浸糧，佢就會不斷想走去大狗d糧度。
所以我覺得都係睇返你自己隻狗仔既牙可唔可以容易地咬到糧，如果細細粒，而你見佢咬到，就可以唔浸，但記住選擇返d細粒d既糧比佢，佢始終都係小朋友。
我依家狗狗都係食Nature's Variety，係天然糧，佢無puppy，只有全犬，但我問過醫生，睇過成分，佢既營養同puppy糧差唔多，絕對可以比puppy食，但一定要係雞肉味，因為雞肉糧既營養最好。

我隻狗狗北京都係食呢隻糧(防敏感)都唔錯.

浸軟d糧:適合3-6月小狗因腸胃未能清化