臉紅...?不知道是藥物過敏還是其他原因...

你唔好再搽果隻藥膏喇，西醫通常係俾含有類固醇既藥膏俾生暗瘡既人用，雖然開頭用會覺得婕有效，但漸漸地就會發覺自己ｄ皮膚紅卜卜咁，係因為類固醇作怪呀!!!你繼續搽，皮膚會愈來愈薄，到時d皮膚薄到微絲血管都爆晒出黎架!
我唔係嚇你，因為我自己都係過來人，我d皮膚就係因為搽左西醫開俾我既藥膏而變得又紅又薄!!所以，唔理係咩醫生開俾你既藥膏，你d皮膚依家敏感成咁，就真係唔好繼續搽喇，爛面都有架!!
其實生暗瘡，唔好去睇西醫，因為西醫治標唔治本呀!當你一停食佢d藥or停搽佢d藥膏，你既問題又會番返來!!!根本就解決唔到問題，只不過睇西醫係可以有一個快速既治療方法俾你姐!
我建議你去睇中醫，我都係睇中醫先好返，我諗我當時仲嚴重過你多多聲，我係有嚴重暗瘡同敏感!難搞到死!仲要搽西醫d藥膏搞到仲爛面!去睇中醫真係好好多，佢地開俾你飲既中藥，係可以清熱解毒，將你體內既毒素排晒出來，生暗瘡既機會就會少好多!睇中醫仲可以幫你調理身體，你話幾好，即使唔係皮膚有問題，得閒飲下中藥，身體都會健康d架!
你自己本身有冇用skincare先?如果有，你停用住先，因為照你咁既情況，皮膚應該都幾敏感，你stop用skincare，睇下係咪真係搽藥既作怪~不過唔用cleanser洗面又會覺得塊面好污糟，所以我生暗瘡同敏感既時，就係用cetaphil or physiogel 既cleanser洗面，呢幾隻都係皮膚科醫生開俾人用既cleanser，出面藥房有得賣架，好溫和，唔好刺激皮膚，皮膚幾敏感都可以用，你可以一試!
講就係講咁多喇，真係希望你f皮膚快d好返，我會明白你依家係咩感受，因為我都試過，仲長達2年!!!所以，希望你都聽話，唔好再搽藥膏了，同埋如果可以既，你都用你醫生講，睇下佢會點幫你=)