在澳門怎樣去番禺香江野生動物園??有咩交通工具??

我個幾星期之前先去完長隆...我地係自己去ge, 或者我同你分享下點樣去la~

方法︰
1. 我地先坐岐關車去番禺, 坐差唔多2個鐘, 之後就到番禺ga la,
2. 去到番禺之後o係「市橋車站」落車,
3. 落車之後問下人, 或者睇下條街ge 指示牌, 行多5--10分鐘就會到「市橋地鐵站」,
4. 搭一個地鐵站,o係「漢溪長隆地鐵站」落車, 去地鐵站E出口, 就會有接駁巴士來往長隆歡樂世界、水上世界同香江野生動物園~

so, le 個方法, 唔單止係去香江野生動物園, 就連去長隆歡樂世界同水上世界都適用ga~

心得︰
我地原本想跟團ge, 不過人數唔夠, 於是就自己去, 但係自己去...都plan 左好耐點去ga...

出發前要預先知道岐關車幾點有一班車, 我地個陣就係搭0825ge, RMB 60/位,
上車個陣最好同司機講係邊個站有落, o係「市橋車站」落車就係最好ge, 因為距離地鐵站好近~
我地開頭都唔知道...於是o係「番禺賓館」就落左車, 結果行左15 min 先去到地鐵站...><
地鐵單程票係RMB 3/位, 可以順便參觀下地鐵...haha~
之後搭完地鐵一出去就即刻有接駁巴士ga la~ 好似RMB 2/位, 好方便ja~

咁單程就用左60+3+2=65蚊, 大概11點就去到長隆歡樂世界, 去香江野生動物園都係一樣路線ga ja~~

建議︰
其實如果人多ge就最好參加旅行團la~ 由旅行團安排晒所有野~ 自己就只係去玩就ok, 咁就最好ge~
你睇下我地由珠海去到長隆...都用左差唔多2個半, 3個鐘ga la.....
咁樣ge 話...實際上你可以睇動物ge 時間係1100------1730, 6個鐘度lo....或者你地7點幾坐頭班車去番禺~
另外, 你仲要預番d 時間搭地鐵番「市橋車站」搭車番珠海拱北ga......
岐關尾班車番拱北係2010, 對上o個班好似係1900.....你地自己去ge 話...一定要預時間番去「市橋車站」搭車....最好1800之前一定要走.....番到去「市橋車站」可能已經係1845.....應該仲可以買到飛番拱北ge.....
仲有, 千祈唔好預自己搭尾班車, 如果尾班車full 晒, 你地就番唔到澳門ga la!!!!!!
或者你地一開始o係番禺落車之後, 即刻o係車站買回程車飛lo~ 都係一個選擇~

希望我ge 答案可以幫到你la~
祝你地玩得開心~

報團的話佢係包埋+, 但如果唔係的話係拱北負二樓到應該揾到有車可以去到~