化妝品--粉條問題

粉條係粉底既一種，用嚟調整肌膚既明亮感，而唔係用嚟改變膚色既。其實只要搽既方法正確，用粉條都可以搽得貼服均勻！

工具：立體三角形既海綿puff
步驟：
1. 沾濕海綿puff，把多餘既水搾出。
2. 將puff於粉條上輕輕擦數下，開始由臉頰內側開始上。手法要輕，唔好拉扯臉部皮膚；要用「印、推」既手法(其實用親puff上粉都要輕同印、推)；係眼部周圍尤其要輕力！有d人會直接將粉條搽上面，就因為咁會上粉上得唔均勻！同埋支粉條好易被汚染咗，而令到塊臉敏感！
3. 上完全臉後，可以搓暖雙手，用乾淨既紙巾 (一層，唔好三層) 隔住係臉上面輕印。咁樣可以令到成個妝貼好多，同吸走多餘既油份。
4. 上碎粉定妝

用粉條既好處係遮瑕效果最好既 (compare with 粉底霜、粉底液、粉餅)，而且上粉快！

雖然佢係咁多種粉底中遮瑕效果最好既，但如果剩係靠佢嚟遮幾深既黑眼圈既效果都唔係咁好！因為深黑眼圈要用突別顏色既concealer嚟遮比較自然(同用嚟遮班遮印既顏色唔同)，千其唔好剩係用粉底加厚咁蓋上去，咁樣反而會突出咗對熊貓眼同令個妝變厚架！最重要會加深眼紋呀！

如果膚色唔係偏白或偏黑，黑眼圈要用少少偏淺既啡紅嚟遮就最自然！如果膚色偏白，就用卡奇色去遮！如果膚色偏黑，就用深少少既淺啡紅色去遮就perfect嘞！上完之後再印少少碎粉定妝就攪掂架嘞！

至於concealer方面，我唔用專櫃既品牌，因為太呃錢！我近來試咗一隻有6色既concealer，幾乎係全天候！牌子名係Ben Nye。係無線化妝大師陳文輝開嗰間專業化妝用品店先買倒，店名係 May's，網址係 www.mays.com.hk 好似有得網上訂貨，不過我未試過網上訂。佢門巿係尖沙咀美麗華，有時間去吓啦！去到你就知咩叫做真正既化妝用品同化妝用具！

2007-08-19 11:52:56 補充：
對付深色黑眼圈用既concealer既顏色之前形容得唔係咁好 - 應該係用 淡黃加橙 溝埋出嚟既色就最自然，用嚟遮黑眼圈一流！

用粉條化出黎既妝好厚架,只適合晚宴或去ball,如果你黑眼圈勁,緊係用遮遐膏啦,上粉前先用遮遐膏塗喺黑眼圈深色既位置,至上粉就可以!!