倉鼠甩毛通常係咩原因呀?

甩毛多數因為皮膚病,生粒粒or傷口而甩毛

雖然你話佢傷口已經冇事,但唔知仲有冇結焦之類呢?
照你講就似完全地冇晒痕跡,咁就似係傷口位置受傷時冇左d毛,之後愈甩愈多,咁可能就會係真菌既皮膚病,因為之前有傷口,係易d有細菌入侵

長氣d再提一提,必須肯定所有傷口都好返晒先可以自行當皮膚病去處理,如果仲未好返晒,就一定要先處理本身既傷口先

有皮膚病既做法:
1)有第隻鼠既話要分籠,避免傳染or第隻鼠乘機打病既鼠(不過鼠鼠其實係獨居動物,分開住會好d)
2)仔細檢查鼠鼠既食物,會唔會有寄生物,有時有既話未必咁易睇到,呢d寄生物都會令鼠鼠甩毛既
3)有皮膚病就要保持個籠乾爽清潔
4)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.
5)有俾鼠鼠飲既皮膚病內服藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期.
6)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.
7)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
8)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
9)當然可以直接帶佢睇醫生啦. .睇醫生既話可以考慮一下:
愛護動物協會診所資料:(需入會)
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

吾乾淨...有皮膚病!!

皮膚病~同埋身體唔健康~~你好應該快D睇佢睇醫生~~

係皮膚病
我0個隻都試過..
只要去d寵物鋪買支藥水就ok ga la...