我點解養左倉鼠後我我個身成日都好痕

可能你敏感,都可能係未同鼠鼠沖涼太污糟攪到你身痕,都有可能係心理作用

你試下同鼠鼠用沖涼粉沖涼,洗埋籠,每次掂完鼠鼠or鼠既物品之後都記得用肥皂洗手,如果之後你都覺得周身痕既,可能係皮膚敏感,要留意掂完鼠鼠除左身痕之外仲會唔會有冇咩唔舒服,最怕你係對鼠鼠有其他敏感

我本身對鼠鼠都有皮膚敏感,次次洗完籠都要沖涼先得,掂完都會手痕,不過我就唔嚴重,只係痕冇出疹之類,我仲加埋幾嚴重既鼻敏感,對住鼠鼠鼻會好辛苦,但都養左十幾年,因為覺得冇咩事,沖下涼洗下手都可以冇事

當然,我唔知你既情況係點,個個人唔同,如果真係清潔晒鼠鼠都係覺得身痕不適,可以問返人既家庭醫生,當真係有對住鼠鼠有好唔舒服既情況,當然要盡快睇醫生啦

2007-08-16 23:53:42 補充：
仲有,我間中處理完鼠鼠係要搽皮膚藥膏先得既

2007-08-17 20:56:19 補充：
提議第一日鼠返家就沖涼,係因為鼠鼠在鼠店會較污糟,返唻沖個涼會乾淨好多係唔可以將沖涼粉放入籠既,因為如果俾鼠鼠可以成日沖,涼會令鼠鼠抵抗力下降,反而會易甩毛而廁所沙同沖涼粉係唔同既,所以唔好混合使用,廁所沙係冇清潔鼠鼠皮下既油既功效

2007-08-18 23:13:33 補充：
若對木糠敏感,其實可以買較貴既木糠,我既鼠用開$30一條,都幾大件,而木糠冇咁碎對鼠鼠都好d我就唔建議用個微波爐去叮叮d木糠,除非屋企有個唔會叮人既野既微波爐or次次叮完都同個微波爐消消毒,如果唔係,就算搵野裝實,我覺得都會好唔衛生,因為你都係覺得多菌先拎去叮,但就將d菌帶入人既用品當中,仲係成日整野食既微波爐,萬一處理得唔好,就麻煩了而大牌子既木糠,大多包裝前已經會經高溫消毒順帶一提,唔好買一d有香味or紅色既木糠,因為鼠鼠好易會產生過敏

首先好高興能夠答你的問題~

1.未必系隻鼠ge問題，可能系你對鋪ge木屑敏感，本人亦有相同問題。

2.首先將d木屑放入微波爐中以中火焗四分鐘，然後放在一容器待凍以後才給鼠仔鋪上，這樣你對木屑的敏慼降低；

3.其次你要戴上手套清理鼠籠內的束西，因為有可能籠內其他東西令你敏感；

4.連續三天清理或跟小鼠玩耍完馬上洗澡，看看情况如何；

5.以現時的天氣，一星期可以幫小鼠沖涼兩次，(一定要用沖涼粉)沖涼粉最好買樽裝，因為保存起來比膠袋衛生；

Hope can help you~

你養左只係2日度
應該就唔沖都冇問題o既

但你有冇沖涼粉, 同廁所仔俾佢呀?
你唔駛幫佢沖架其實,好簡單架咋:
我通常會放d沖涼粉加廁所粉係廁所仔俾佢自己碌

自己試過入寵物店之後覺得痕
不過清潔下, 沖洗乾淨就冇事. 第日再去同一間寵物店都冇事o既~
試下會唔會好d?

你可能系敏感`
或者心理作用=)