倉鼠唔可以放係睡房

放唔放得睡房就好睇你房幾大了,如果你訓既位置同鼠籠既位唔會太近既話,都可以既

放睡房對人既影響:
1)敏感問題
如果你有鼻敏感or皮膚敏感咁就好易令你唔舒服,我兩樣都有,試過放床邊,都會有少少唔舒服,第日放返出廳

2)衛生問題
鼠鼠點都會有排泄物,唔多唔少都會有菌,放太近就唔係咁衛生了

3)聲音問題
鼠鼠日頭訓覺夜晚活動,夜晚有時都幾嘈下,所以會好易令人訓得唔好,甚至訓唔著
多數嘈都係咬籠同玩轉輪,兩樣都可以改善既,但需要時間先得

如果個轉輪好嘈,你可以買個靜既轉,又可以搽d牛油落去個軸度,當然咁整要成日洗下個轉啦. 咬籠嘈既你就訓練下佢,佢咬既時候鬧下佢(最緊要係個態度,佢唔明你講咩架),或者唔理佢,佢唔咬就俾少少野食佢食(主糧度俾一粒佢已經足夠)

教鼠鼠唔好咬籠既方法:
一.首先要同隻鼠鼠熟既先,唔熟好難教得識
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

二.我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次

籠擺放既位置要留意以下幾點:
1)要放在通風陰涼處
2)唔好電視等等好嘈既地方附近
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

籠既位置記得唔好成日轉換,唔係鼠鼠會好冇安全感or受驚架

冇話吾可以0既`
不過佢玩輪會嘈d=)