你估我有無機會呢?

有可能鐘意你啦
不過亦有可能係對你個種係朋友既愛的
畢竟大家都係女仔
有時做d over d既野都會覺得冇咩野
本人都係個tb
都有個女仔好似你咁對我
之前我對佢有好感過
每當佢一同我咁親密個陣
我都會暗裡好開心 好珍惜
不過我係從來唔會表明佢知 亦都唔會做主動
到左依家 我唔鐘意佢lu
真係朋友lor 冇哂心跳牙 觸電既feel
不過佢依家同我親密個陣 我都唔會拒絕佢
不過就冇感覺 唔會開心 只覺得同佢相柱既話會比較close咁
我覺得個個tb 佢有機會係好似我之前咁 暗裡有野
亦都有可能係我依家咁 冇感覺
同埋 佢知你有bf 自然有野都唔會表示啦係咪
因為都一定冇咩可能 同埋正常都唔會去破壞人lor
我睇得出你對個個tb應該係有dd野既
我覺得 你諗得出呢個問題
會唔會係你自己都未搞得清楚呢
如果真係對個tb有野 就做d野
因為 你一日未同個bf分開 佢一日都唔會進攻
就算有都係扮冇
如果你係覺得只係同佢係朋友既話
而你又好鐘意依家同佢既呢種相柱方式既
就可以繼續

我諗首先要清楚既係你唔明佢諗咩,
係唔關佢係咪TB事架。
明唔明白一個人諗D咩,
其實同性別或性傾向係冇咩太大關係。

另外,
係我覺得你諗得太多,
就好似你話TB 對A態度唔同對你,
我諗係因為你心入面諗得太多覺得佢對你有意思,
可能佢真係都未定,
不過睇完你講既野之後,
覺得滲入左好多主觀意識。

你話驚TB知道你分手會以為你因為佢,
又一次令我覺得你諗得太多。

不過根據以上既事件,
正明你對佢有意思囉。
不過你真係要分清楚係真係出自愛定係好奇心。

額外一提既係,
就算真係種種跡象令你睇到佢對你同對A態度唔同都好,
唔等於佢一定係鍾意你架。
可能真係朋友既感情,
又或者佢係到處留情。
我並唔係抵毀你位TB朋友,
只係用我既經驗分享俾你知,
真係會有大把"人"係咁做,
呢個"人”字泛指所有男女（包括係咪同性戀），
所以首先你應該要搞清楚既係．．．
係咪同性戀都係普通人一個，
佢地既感情思想係唔會特別唔同，
唯一唔同既只係戀愛模式唔一樣。

（講得好長，希望幫到你。人心隔肚皮，我完全經歷過～）

不過最緊要都係你要搞清楚自己係咪鍾意佢。

答案都明顯...
其實你個TB 好友可能鍾意你
你都要從佢角度想
你既然已同佢講你唔係les
又有男朋友
佢唔想做第三者...
所以點會同你講?
佢都有佢ge 苦衷

唉...我以前都同你個TB 朋友情況一樣
所以建議你切忌拖泥帶水
先試探佢對你ge感覺
再講清楚你究竟鍾意邊個啦 :)