睇新聞話 帶con隱形眼鏡 唔好用防水增長睫毛液? *20點

我睇到新聞都覺得幾驚, 不過佢講個d都係卓兌賣既水貨啫!!
所以我點都唔會係卓兌買, 同埋佢賣個d係次一等貨,
盡量用d大牌子, 同埋係專門店買一定會好d!!

以下答案, 希望可以幫助消除你既煩惱啦^^

1.) 我自己帶開con架, 即棄colour同長帶都有用, 而每次帶con我都會化妝,
因為覺得自己隻眼唔夠大, 所以我每次都有用防水and增長既睫毛液,
仲一定會用埋base添~

2.) 我帶左咁耐con, 用左咁耐防水and增長睫毛液, 真係未試過發炎,
不過我d睫毛液一定會係專門店買, 咁先有信心有保証...
同埋我一定會用隻好既卸妝水卸妝, 呢個係好關鍵既一步,
見過有d人是但亂落妝, 或者抺一抺塊面就算, 其實睇真d,
依然會有頑強既睫毛液係隻眼度, 尢其是係防水個d睫毛液,
落得唔乾淨會好傷眼部皮膚架!!

3.) 用隻好既卸妝水卸妝係避免引起發炎好關鍵既一步!!!
就算你真係用左隻出問題既睫毛液, 只要好好卸妝,
避免(有問題既) 睫毛液長時間留係隻眼度, 咁一定係最好,
就好似化妝咁, 好多人愈化得妝多, 皮膚就會愈變得差,
其實都不過是咁既原因, 我做美容化妝的, 周不時都遇到呢d人,
與其到時要走去叫美容化妝師補救, 不如早d學懂點去護理好d皮膚先啦~

4.) 我自己用開loreal, 覺得非常好用, 其實用咩都好,
最緊要係專門店買, 有保證個d...KISS ME我就唔知啦~
因為冇用過~

5.) FANCL納米卸妝油卸妝力比較強, 都可以落到防水睫毛液
不過個隻係油呢架!! 要又搽之後再要沖水...
如果你要落防水睫毛, 我唔建議你用fancl,
因為眼部卸妝同面部卸妝係唔同的,
好多人會亂用, 但錫皮膚既你千祈唔好呀!!

我會建議你用卸妝水, 因為卸妝水非常方便,
一抺就ok,, 除此之外, 卸妝水比較適合落眼部既妝
卸妝水比較多選擇, 適合不同皮膚既人, 所以會對皮膚好d,
我覺得用咩都好, 最緊要係適合自己既皮膚~

我自己用過咁多隻卸妝產品, 最好用係Bioderma既深層卸妝潔膚水
落卸落得好好, 而且極度防水既睫毛液都ok, 咁先吸引!!
仲有防敏護理/清爽控油, 非常照顧skin, 百零蚊有成500ml,
買黎試下都抵啦~ 可況真係好用!!!
http://hk.f1.page.auctions.yahoo.com/hk/auction/1114359861
http://hk.f1.page.auctions.yahoo.com/hk/auction/1114343271

6.) 其實點會只可以用一個月, 我一支睫毛液起碼用4, 5個月, 唔會有咩問題,
除左你用得耐, 用到覺得自己隻眼唔舒服, 就一定要停用!!!

小小建議, 希望幫到你~ *記住用咩都好, 保護皮膚為上!!!

答得好，答案明確