✔ 最佳答案
1) 你去2日姐佢唔會因為唔適應而死, 如果你拿去寄養, 反而令佢好驚。 短時間耐轉變環境, 佢會唔習慣, 會令佢抵抗力減低, 好容易染病, 兔bb病手尾會好長, 仲好易會死, 所以唔轉變環境先自係上策。 如果你擔心既話, 可以叫朋友上你屋企餵下佢食野同比水佢飲同放佢出黎走下。
2) 兔兔會同自己玩, 你唔駛怕佢會悶。 兔兔好識飽架, 我比佢既糧會分幾次食, 有時仲會好好笑, 專登坐到我地食飯, 佢先一齊食(佢食糧)。 糧既份量係佢體重5%度(草唔計), 1公斤重即係餵50克糧左右, 唔駛怕佢唔夠飽, 因為草先係佢地既主要食糧, 食太多乾糧, 反而有機會痴肥。 草呢~ 因為係bb兔要食無限量既alfalfa苜蓿草同少少timothy梯牧草, 之後到佢1歲左右可以減alfalfa餵timothy, 基本上食埋慢慢減alfalfa至唔再食, 而全餵timothy。 因為alfalfa太多鈣質, 成年兔唔需要太多鈣質, 如果太多鈣質會令佢排尿困難, 過多既鈣質會透過小便排出, 即是小便入面有粉狀的物體。 同埋要開始留意佢2日大約飲左幾多水, 因為兔兔無汗線, 無辦法透過流汗黎降溫, 缺水會令佢中暑, 同埋夏天佢要飲大量既水, 同埋食乾糧同草都會令佢飲水, 水係不可缺少!
3) 基本上佢既便便係唔臭的, 臭的係佢d尿尿... 如果用木沙都可以令臭味減低。 同埋放既地方如果係通風都可以張臭味減低。
記得唔好放佢係太陽經常照到的地方, 兔兔其實唔太鐘意曬太陽~