你哋覺得海洋公園,定迪士尼樂園好玩?唔好答各有特色

我個人認為海洋公園好玩d

因為海洋公園刺激d呀嘛

又多野睇d

仲意disney 公仔ge or 中意影野ge 米覺得disneyland 好d 羅~

海洋公園朝早去~黃昏就玩完.....

disneyland 可以住埋酒店next day 再玩~

好玩是海洋公園好D激D(機動遊戲..海洋劇場D海獅 海豚表演..山下又有海狗表演...或者掟嘢換公仔的攤位)

又多嘢睇D (熊貓 海洋館 水母館 沙魚館..... )



而樓上說迪士尼要2日先玩得晒的意思,並不是多嘢玩到玩唔完,是排隊用去了不少時間,

上年我去玩,用快証排馳車天地都要排了45分鐘才玩到,

怎知一玩才申笨,好低能只是踩著個腳踏,架車就跟著條軌行,

完全合埋對眼都得行到,根本是幼稚園小朋友玩的玩意,

見佢個旋轉木馬都是打晒蛇餅,見到都唔肯排,但我去海洋公園個旋轉木馬唔馳排任玩(沒什麼人玩),玩海洋公園個跳樓機玩完下來立即再上去玩過,連玩3次都不怎麼用排隊(因為沒什麼人玩)


而海洋公園幾好架,我今年4月生日自己走去免費入場玩,就見好多公公 婆婆,有D一對老夫妻,有D就2個婆婆孖住,更見到有個公公單拖扶住個拐杖都自己走入去免費玩老人優惠,

迪士尼就無咁好了.......不過如果是就就幼稚園咁小的小朋友就會合他們玩了(大人都是就細路去玩的)

海洋公園好玩d
冇酒店過夜wo

我覺得一定唔可以兩度地方一日玩完..因海洋公園好多game 玩一日都玩唔曬呀...如過夜一定去去迪士尼樂園啦...

我覺得海洋公園好玩d, 因為地方大d, 有刺激既機動遊戲,又有海洋動物表演, 價錢又平好多,$180可以好休閒咁玩足一日, 而家香港身份證仲有優惠,詳情可以去www.oceanpark.com.hk睇下
p.s.因為海洋公園入面係冇酒店, 所以玩一日一定要走

至於迪士尼, 地方好細, 遊戲比較適合小朋友, 不過環境佈置得靚d, 其實一日時間已經可以玩晒所有遊戲同睇晒表演, 價錢會比海洋公園貴好多, 平日$295, 假日$350
如果你鍾意迪士尼人物,都可以住入面既酒店, 酒店有兩間,一間叫香港迪士尼樂園酒店,另一間係迪士尼好萊塢酒店, 每間房都會有迪士尼人物做主題

詳情可以睇下呢個網頁 www.hongkongdisneyland.com

我認為海洋公園較好

大原因：交通較方便，交通費較平，價錢較平（成人：$189 vs $3xx）。

我昨天才剛去過海洋公園，一入門口，就先玩昇空熱汽球，
再去看安安、佳佳、盈盈和樂樂，四隻瞓到......
一邊排隊，一邊看民族表演。
之後就大件事啦！下大雨！
所有機動遊戲暫停，所有遊人都到水母館、海洋館、鯊魚館
大排長龍，排隊其間，雨傘你插我、我插你，插個你死我活
山對面只開放滑浪飛船。
到了山下面，就較好，有兩個熊貓大戰項目照常開放，
可以玩泡泡大戰。

只不過，如果下雨的話，迪士尼有九成的設施都是照常開放的，
因為它們都是室內場館，往年我去果日紅雨都仲玩得。
相較之下，海洋公園有八成設施都是暫停的。

我認為海洋公園比較好玩。
兩度地方, 我同d 朋友都一齊傾過, 都認為迪士尼就可以一日玩哂;
而海洋公園就一定唔得, 因為佢真係有好多野。

2007-08-16 12:12:26 補充：
打少左個「玩」字 ..

我覺得海洋公園較好玩,唔駛過夜,如果早去就可以一日玩完。仲有,海洋公園多野睇,又多野玩。

我覺得海洋公園好玩d,因為平d~

但係迪士尼多d野玩,一日玩唔晒,要過夜,你可以住迪士尼的hollywood酒店