倉鼠背上生瘡

A.有黃色既液體流出唻應該係瘡唻,瘡多數係有傷口,冇理到再受感染而做成

瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷

某d情況放膿可能要麻醉,睇返你對上一個發問,如果係同一隻鼠既話,都應該歲半了,所以如果睇醫生時話要麻醉,就要考慮清楚先好決定,老左既鼠好難承受到麻醉藥既

建議你唔好去問鼠店處理,因為鼠店冇藥物及技術去幫到你,如果d鼠店衰既話,可能會胡亂俾d藥叫你買,咁就更麻煩了

B.呢個情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030 地址:大圍積信街75號地下
http://www.taiwaiexotic.com/

九龍既話可以去呢間:
旺角動物診所 - 梁醫生
九龍窩打老道66號A地下
電話 : 2760-1026

平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

C.睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

2007-08-18 23:16:10 補充：
唔好意思,唔明第一句點解?我就唔建議用人既藥物去用落鼠鼠既身上,始終鼠鼠係細人好多好多既動物,份量點都唔同既,生瘡初期未必會見到佢好辛苦,當鼠鼠好辛苦既時候,可能已經十分嚴重,好多時鼠鼠生瘡or腫瘤都會因為咁而被以為冇咩事唔洗點理,建議盡早睇醫生處理,以免忽然惡化,除非你所講既用左碘就冇咩係粒瘡冇左啦但唔好忘記多d檢查鼠鼠既身體有冇異常鼠鼠平日都需要注意飲食,最好就未病已經注意,好過平日食食埋埋冇益既野,之後引起大病就唔好啦,而家既鼠糧營養都好好,以我既經驗只俾鼠鼠食混合主糧已經足夠

帶佢去pet shop睇下先，嚴重既要去睇醫生架！(可直接問pet shop)

唔好等啦，佢遲一日，佢就辛苦多一日！