要靠搞關係professor先俾機會你
我地學校既文化就係，professor同邊個熟，就會好幫果幾個，俾好多機會佢地，介紹d勁人俾佢地識。但呢幾個人成績唔係最好果幾個。
就因為呢幾個人有方法同professor熟。平時搭晒膊頭。當然有好多細節，佢地做左d咩我唔會知。
我睇住果幾個人平步青雲，得到好多機會。
但我自問讀書好努力，我唔係資質好好果d。但我自問我盡左努力去做，想做到好成績。其實之前有個professor俾左個機會我，因為見佢都幾鍾意我。
但我個臭性格就係cool，我冇講d好說話又冇搭膊頭。
當然，最後我咩機會都冇。
我唔介意係一個公平競爭既情況下比下去，但我覺得呢個根本唔係公平競爭。我真係好鍾意讀呢科，我都想有機會做d野。但我地d唔出聲既同學永遠冇。
我post呢段野出黎，唔係要怪任何人。只係我好唔開心。我唔開心，我對呢一科熱情唔比佢地低，我放左好多時間落去。但我係學校真係好有挫敗感。
你地有冇人做野讀書既地方都係咁？
你地有咩感受？
更新1:
如果整個社會都係咁，咁有咩地方會岩回執既人?
更新2:
我都知呢d係佢地既一種能力 不過因為兩者待遇太唔同 我都係唔開心想講下