點解會有社會價值觀，請看以下句子．

社會價值觀同正義等ge定立一樣, 都只係人為自己利益而定ge事。
首先我地要明白, 所有 "對" ge事, 都只係對大眾利益有保障ge事, 而 "錯" ge就係有可能危害到其他人利益ge事, 人要咁定立其實亦只係為免終有一日, lei d "錯" ge事會危害到自己je。
但係人係自戀ge, 總喜歡將自己做ge事捧到天上有地下無, 你見每個宗教都總覺得自己係神特意創造黎管理世界ge, 就知道人總喜歡覺得自己比其他生物高一層次, 所以佢地冇辦法接受自己係為左自己而定立咁多野, 就以 "道德", "良心" 等美化生物 "保護自己" 的天性。
而違反lei種道德就即係有可能危害到自己, 所以人會不斷打擊背德之人與事, 而又基於大部份人都唔想被大眾攻擊, 同心底入面接受唔到自己係個 "背德ge可恥ge人", 佢地漸漸會受之規範, 結果大眾都走向同一條路, 有大致一樣ge想法, 就形成左社會共同ge價值觀。
而家一般最討好ge價值觀中, 人生中最重要ge野係: 1/ 生命, 2/ 家庭, 3/ 朋友, 4/ 物質
最重要ge係生命, 顯示出生物最基本ge求生意識, 亦為人類 "唔犧牲自己" ge最大藉口, 可免除日後因為保生命而對其他人見死不救ge行為而被責怪, 同時亦能夠一直說服自己相信自己ge存在係好重要好重要ge, 從而滿足自己ge虛榮心; 家庭, 亦係物種為保自己後裔ge一種生物心態, 同時亦係父母規限子女照顧自己, 或夫婦間互相控制ge一種手段; 朋友, 人類係群居ge生物, 要確保自己唔會被無視, 有事時會有人幫, 朋友係不可或缺ge; 物質, 實際上幾乎係現今人類最重視ge野, 但由於過去大家都怕人為利益不擇手段下, 可能會損害到自己, 所以一直渲染住 "物質主義者係要被鄙視" ge lei種想法, 大家都唔敢去認, 覺得認左就係自貶。
而有少部份人唔跟從, 其實大多數同而家覺得與眾不同就係 "型" ge觀念不無關係, 所以你會發現o係以往傳統ge社會中, lei d 人非常少, 而每每一出現都會係不受歡迎ge人居多, 而lei種 "型" ge觀念亦其實係人類虛榮同放縱ge藉口, 因為其實唔跟從上述ge社會規範, 往往可以令自己o係物質同生活享受上得到更多。
至於你所列出ge o個段說話, 講到尾其實只係叫人唔好為其他人帶黎麻煩同難過, 人會咁諗都只不過因為, 有可能終有一日lei件事可能發生o係自己身邊人身上, 到時煩同難過ge就係自己。
人勸人唔好自殺, 往往只有幾個point:
1/ 生命寶貴: 如上, 只係想說服自己覺得自己好重要
2/ 身邊人會難過: 亦如上, 唔想終有一日難過ge係自己
3/ 唔好煩到人: 唔想終有一日被人煩到o個個自己
4/ 睇到就算唔識都覺得心酸: 同情心向來因顧及到大眾利益而被捧到上天
講到尾, 社會價值觀只係無形中, 對人ge暗示、催眠, 令人遵守所有能夠保障到大眾, 亦即係自己安全, 唔一定係啱, 亦唔一定係錯, 就好似d 咩協議一樣, 取個對大家都最有利ge平衡點je。

(以上純粹個人意見, 睇怕對唔少人而言都幾難接受, 甚至鬧到我媽媽聲, 但人只不過係一種生物lor, 唔好以為自己搞左咁多野, 又咩文字, 又咩電器, 又咩發明, 搞到自己好似住得好舒服, 兼搞到個世界就一蹋糊塗, 自己就係好叻, 係萬身之靈lor…)

社會價值觀受廣告影響
所謂廣告 即在該社會的廣大傳播
可以是通過政策 或是單純商業而引致
亦可以是靠羊群心理傳開 即一傳十十傳百

例:
- 修身廣告的推廣下, 瘦人就係靚
- 眾多對回歸的慶祝覺得活動, 令人回歸是喜不是悲

凡事既事係整定既,冇得話發唔發明!
就好似有雞先定有蛋先哩個問題!!
好好好多野你都想象唔到....