十萬火急!!!倉鼠好似有事!!佢日漸消廋..而家已經廋到唔行唔跑既地步..冇力行..可以點救佢

唔行既意思係佢行唔到定唔願郁咁呢?如果有行既話,行既時候有冇問題?

如果佢冇其他病徵,係唔願郁同瘦,就可能係因為年老or便秘了,唔知你隻係咩品種既鼠,一般細隻既鼠(非熊仔鼠),到2歲既階段,都可以話好老好老,而如果係熊仔鼠,都已經進入老年

便秘及年老需要留意既事:

1)排泄問題
老左既鼠好易因肛門一帶既肌肉鬆左,所以排泄會較困難,咁就好易令鼠鼠行得唔穩,甚至行唔到

分辨便泌:
a)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬;唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
b)清晒個籠之後,再仔細留意佢既排泄物係咪真係少左
c)睇下鼠鼠排泄時會唔會好辛苦,平日休息又會唔會好痛苦咁縮埋一舊
d)便秘有時會見到佢肛門附近會濕濕地咁既
e)留意會唔會有排泄物塞住左

便秘處理方法:
a)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
b)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
c)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
d)情況都冇改善(2日度啦),就必須睇獸醫處理,俾愛護動物協會資料你參考一下
愛護動物協會診所資料:(需入會)
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

2)行路趺下趺下
年老既鼠身體都會好弱,往往會出現唔願郁,行路趺下趺下咁,要留意,如果佢行既時間有問題既話會唔會有野整到佢,例如地板,樓梯,轉輪會唔會係有隙,有隙既話本身都會易卡住鼠鼠,而鼠鼠老左既時候,行得唔好,咁就仲危險了

3)牙齒問題
鼠鼠瘦得快,要留意佢既牙有冇過長令佢食野困難,有冇過長可留意佢合埋口時係咪合得晒,合唔埋or流口水既話,就要帶佢俾獸醫去剪牙,唔係牙齒過長,好易插穿鼠鼠既口,咁就會死了

如果只係牙好長,但又唔係太多既話,你可以買d磨牙石俾鼠鼠磨牙,如果你隻鼠唔咬磨牙石,就可以買一d木制玩具俾佢咬,又或可以試下鹽磚or較硬既食物棒(一支木,外面有食物包住)

鼠鼠係一定一定要磨牙,用咩野俾鼠鼠磨牙都可以,但一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,所以木制 同專俾鼠鼠用既磨牙用品係最好既

4)食物問題
鼠鼠瘦落唻既時候,如冇其他疾病因素,就可能因為年老而唔夠營養,你可以俾d白麵包or麥片佢食,補充營養
同時,可以整碎dd食物,怕年老既鼠鼠牙唔夠力食太硬既野

5)日常檢查
鼠鼠年老就會需要更多既休息,減少拎鼠鼠出唻,
保持個籠衛生,防止有外傷or皮膚病等問題,多d檢查鼠鼠既身體,牙齒同排泄物,有咩病盡快睇醫生處理

2007-08-17 12:25:46 補充：
我就唔建議搣隻鼠去測試佢既皮膚,肥既鼠都好難就到力去咁試,瘦既鼠仲易出事,鼠鼠好弱小,萬一處理不當,整到鼠鼠就唔好啦其實脫水可以睇得出既,可以睇到鼠鼠既皮膚同肉好似有d分開既感覺,即係d皮向下墮,唔係痴住d肉咁,而鼠鼠既呼吸會好沈重,而脫水多數因為中暑or肚瀉

佢肯五肯食野飲水？
五肯既話就要用針筒餵佢飲
食果方面就用水溝草粉再用針筒餵佢飲
不過甘只係吊住佢條命
最重要係葯到病除

正常泥講倉鼠既皮毛好鬆軟
你細細力甘滅下倉鼠
睇下佢鬆五鬆軟
如果緊繃繃，滅既ｄ皮毛又五可以好快甘回復回貌
相信你既倉鼠係缺水，缺少水份所以皮毛就會緊繃繃
如果淨係滅到少少．係嚴重既情況要即刻睇醫生

主人既能力係有限
可以做既就係帶佢睇醫生
尼個絕對五係廢話
既然你養佢
就要負責任
佢既價值唔係等於買佢返泥既價錢
倉鼠和貓狗一樣是有生命的
唔係丟左就算

建議你去獅子山動物醫院．醫生好好人好細心好尊重所有動物不論係小小既倉鼠
http://www.lionrockvet.com/

佢真係出事喎!!!
你一定要帶佢去看獸醫(雖然你話唔好講廢話去睇醫生...)
你都可以叫佢食多啲野.
我都有養倉鼠.
快d帶佢去睇獸醫啦!!!
^^
祝你好運!!

丟左佢, 買過隻