兩架或多架交流發電機並聯發電,普通話叫同步發電機,廣東話叫夾車或碰車,係大架既發電機(厰)正有既,因爲380V極低電壓發電機最大得2000KVA,如果唔用夾車就無4000A用,而且用同步發電電壓穩定,當負載少既時候,可以退出一D運行發電機,以達到節省資源,呢D又係另一門學問,功夫唔夠,比你夾到車都會走番出來架,需要條件如下 :
1。電壓要相同,一架220V一架380V係夾唔到架。
2。頻率要相同,一架50Hz一架60Hz又唔得。
3。相序要相同,一架紅黃藍另一架紅藍黃點夾。
4。相角要相同,一架係0V既時候另一架380V,爆炸都有份。
調整
夾車后仲要一步一步調整,調到兩架或多架發電機發電匹配,如果唔係當一架發電時另一架變成摩打佐,浪費資源。
1。調整速度 = 加快速度 = 增加輸出功率 KW
2。調整勵磁 = 加大勵磁電流 = 改變功率因數 KVAR
設備 :手動同步
如果你有錢多多,一個雙顯示既電壓表,六個電流表,一個雙顯示既頻率表,兩粒380V既顯示燈,一個同步示波器。
如果你係臨時要同步
又要省錢,一個萬用電表,6粒燈膽,一個鉗形電流錶。
重要提示
1。中性線要接地既只可以接一架發電機,第二架以上發電機既中性線唔可以接地,如果唔係,漏電保護器會感應到漏電。
2。同步並聯發電機並聯前,中性線要先並聯,再並聯相線,係並聯后仲未出力前,就要分開中性線,係中性線分開后,再調整發電機既速度出力發電。
以上係低電壓既條件,高電壓既仲要加多D嘢既。
[email protected]
2007-08-18 21:18:17 補充:
以上工作需要實做既技術人員同埋已經授權既人做既,連工程師都唔可以做,因爲佢未授權,工程師有好多種既,有D叫顧問工程師,唔能夠做嘢既,因爲佢有讀過大學,叫Consultant Engineer ,有D叫技能工程師,叫Competent Engineer ,呢D正係正正式式既工程師,係可以做嘢既,你都無佢甘精。
2007-08-22 00:37:00 補充:
今日又聼人講,有一種叫做 Electrical Service Engineer 呢種工程師好厲害架,果D超高電壓400KV, 500KV就要佢地正可以做架。
2007-08-29 08:26:55 補充:
真係蠢人一個,我有叫你接六粒燈甘樣接法咩?唉!人蠢無藥醫,接法如下先將每兩粒燈串聯后分成三組第一組=第一架發電機既R接去第二架發電機既R第二組=第一架發電機既S接去第二架發電機既S第三組=第一架發電機既T接去第二架發電機既T
2007-08-29 08:27:47 補充:
接下來將兩架發電機既N用一個制暫時接上,將兩架發電機既MCCB斷開先,發動第一架發電機,調好電壓頻率,開MCCB,你就會睇到六粒燈光,接上一D負載后,再去發動第二架發電機,調好電壓頻率,
2007-08-29 08:28:19 補充:
兩架發電機既電壓要相同同頻率要相同,你就會睇到六粒燈會時光時暗,如果六粒燈同時光同時暗,甘就相序相同,如果一組光時另兩組暗,而兩組光時另一組暗,就相序唔相同,就要將RST其中兩條電線對換,等到三組燈一齊暗及時候,相角就相同佐,你就可以開制比電,開制后先將N制分離,然後開電比負載,再調電壓頻率(而家唔係睇V同Hz,係睇KW,KVAR,A同Cosφ),唔識就唔好玩,好危險好危險架,拜師學藝啦。
[email protected]
2007-08-29 08:34:25 補充:
各位注意 :如果呢位仁兄唔識嘢又要玩電,爆炸死佐唔好賴我教壞佢,因爲佢太過相信Yahoo知識