狗仔在夏天季節時沒有胃口吃食物

喺我末答你個問題之前，等我先問幾個問題~
1. 你夏天嘅時候，夏日炎炎，我俾好多嘢你，你想唔想食？
2. 相反冬天嘅時候，我俾好多嘢你，你又想唔想食？
同樣道理，狗狗冬天食得多係因為要靠燃燒食物嚟補充熱量。夏天故之言會少~

"不過唔食嘢會死!!!"
佢係咪真係一D嘢都無食過？有無痾嘔？大小二便唔正常？無尼精神？如果全部都係嘅話，就一定要帶佢去睇醫生啦！
若果唔係既話，正常一日兩餐，食物唔好大熱太凍(正常就ok~)。再唔得就試試白灼雞胸肉或者魚都得，不過成日都係咁會竉壞，小心佢唔食返D亁糧~(到時有排你受) 我又唔建議你餵零食當正餐la~~

真係食唔哂，都唔好逼佢鬧佢~ (佢都唔想，俾着你你都係啦!!) 攞走個兜，等下餐再食，唔係虐待你隻狗，只係教佢均衡定時飲食。
長期擺放狗糧既問題有：
# 隻狗有無食過都唔知，莫講話食咗幾多啦~
# 好易會變肥狗，有如金魚原理一樣
# 好唔衛生呀~

嘗試諗吓俾着你會點做，人同狗其實好多嘢都一樣，有生老病死~ 只不過佢係一個大唔透嘅細路~

我隻狗仔都係呀 ~~
個肚餓到扁哂都係食幾粒就算 ...
我之前都好擔心架 !!!
但尋晚同今朝我試過 , d狗餅加暖水 , 但係記住放涼d先喎 ~
濕濕地淋淋地佢地就會食架喇 ~~
因為夏天 , 佢地唔係太想食乾野(人都唔想啦 ~~) , 濕濕地會有胃口d架 ~~
又係食番自己d狗糧 , 咁就唔驚寵壞佢啦 ~~