長洲兩日一夜行程安排 (15分)

星期六：

若果打算入住渡假屋，我無咩資料比到，因為我無租過渡假屋。
不過都可以參考下呢個網：
http://www.srholiday.com/cgi-bin/villa/search.cgi?id=2&select=8 。
一d渡假屋應該有爐租，你睇下個網。

夜晚10:00p.m，我介紹你去一間涼茶舖，
出哂名長洲最正，日日都好多人。(信不信由你)
間舖係一條叫「大興堤路」嘅街個到。點搵????
你係渡輪碼頭開始行，面向麥當奴，望右面，應該睇到有間7仔，向7仔方向行，
一路沿住海行(唔好轉入內街，一路都望到海嘅)，過左街市，
過埋鄺國威個office，去到一間叫「天然」嘅涼茶舖，呢到就係。
講明先，我唔知佢幾時休息，可能你今次撞正佢休息。

星期日：

你想去張保仔洞嘅話，你可以行路同搭船去。
行路唔使我多講，一路跟住海邊行，
過左一條叫「長洲西堤路」嘅超長路之後，跟住指示牌就搵到。
搭船，船係渡輪碼頭右邊(面向麥當奴嘅話)嘅另一個碼頭，專泊一d船仔同埋漁船。
其中一架應該係寫住「張保仔洞」嘅船，如果搵唔到，
架船應該載左d客去左西灣個碼頭個到，等下就會返黎。

注意：架船只會載你去到西灣碼頭，並非直接去到張保仔洞個到，
因為張保仔洞附近只係石頭，無可能有地方泊船。

落左船之後，跟住指示牌行幾十分鐘，就搵到。

如果你去完張保仔洞之後唔累嘅話，我建議你去「小長城」，
即「芝麻坑家樂徑」個到睇下、行下。或者你會問：「小長城」係咩黎???
「小長城」，正名為「芝麻坑家樂徑」，別名為「董建華徑」。
是一條類似「萬里長城」嘅石階路(不過細好多)，沿途有多種石頭可觀賞。
當你開始行小長城個陣，初段係無石睇，只係得花草樹木。
當你去到一個亭個陣，就開始有石睇，個到會有指示牌寫住呢舊係咩石、或者係邊到。

最後兩舊石係「花瓶石」同埋「玉璽石」，當你睇到「玉璽石」個陣，
即係你已經行到最盡頭，需要經原路返轉頭。

可能你又會問：小長城係邊、點搵???
再又碼頭開始講(因為易d講)，面向麥當奴，望右，會睇到一條大巷(或者叫大路)，
行上去，行到盡，就係沙灘(東灣)，未到嫁。望右(面向沙灘嘅話)，會睇到「華威酒店」，
行過去。到左酒店，行左邊(面向酒店嘅話)，唔係斜路。你見到有開叉路個陣，
行右面個條路(左面去直昇機坪)，行呢條「黑排路」行到盡。
當你見到有十字路口，直行，前面會有條「明暉路」嘅路，唔好行，行左面。
(你係十字路口應該會見到有間廟，係無錯嘅話，咁你就行得岩。)
當你見到有石階(或者叫石鋪嘅路)，即係你已經上左小長城。

注意：若果你真係要行，我建議你最好買定支水，
因為我行過幾次，行完之後無一次係唔喘氣。
你可以入呢個網睇下一d小長城嘅相：
http://www.fotop.net/hchc/20051126?page=5

你想食海鮮??
長洲周街都有海鮮食，我無咩舖介紹比你。
不過如果你真係搵唔到海鮮食，我教你行：
再又碼頭開始講，面向麥當奴，今次係行左，差唔多到盡到個陣，
右邊有多間海鮮舖(下午唔知開左未，通常都開左)，你咪是是但但搵間入去食lo。
講明先，服務質素係另一個問題。

(呢d只係我嘅意見，你要唔要隨得你..........)

2007-08-22 15:10:11 補充：
.........原來參考資料個到重覆左。另外一個參考網址應該係：http://www.fotop.net/hchc/20051126?page=5