環保意識從小學起.

你覺得好o岩, 唔單止你識咁諗, 其實政府早起十年前已經有咁做!!

我記得以前我讀小學果時, 已經有教要珍惜依家既環境, 大家要一齊保護~~
政府又有大力宣傳, 好記得果個"BYOB"既廣告, 依家都記得點唱!!

但好可惜, 知道還知道, 會做既人又有幾多呢?
我讀中學時, 睇到D同學仔, 係咁拎D飲管玩, 我就叫佢地唔好咁啦, 要環保D, 之後竟然俾佢地串...大家都係同一年既學生, 點解我會有呢個意識, 而佢地無呢?? 好明顯就唔係學校既問題, 而係佢地自己既問題啦, 係咪??

再講啦, 知道而想做, 但好多事都唔可行, 跟本就做唔到~~俾個例子你:

大家都知熱就要開冷氣, 係咪? 咁又知唔知你開冷氣, 冷氣可以令你室內既溫度下降, 但同時冷氣又會令室外既溫度增加呢? 即係話, 如果一家開左冷氣, 而另外既唔開, 咁另外果家除左要承受原來既溫度外, 仲要承受埋果部冷氣既溫度!! 當然, 唔會有幾多個可以忍受到, 咁另外果個就會開埋部冷氣...一個惡性循環下, 個個都開, 外邊既天氣就會愈加熱, 愈加熱就愈加開, 可以動動手指, 咁樣開冷氣, 用左幾多電力呢? 咁如果要解決問題, 就係唔開冷氣! 但係, 問心的, 您做唔做得到呢??

又講多個例子:

汽車係空氣污染係其中一個主要來源, 減少氣車既數目, 或者少D楂車, 咁都可以解決到問題...但係, 有幾多個有經濟能力既車主, 有車唔楂, 寧願同人迫搭公共交通工具呢??

呢兩個問題只係冰山一角, 要數真係可以數到好多例子!

要小朋友及早認識環保, 當然重要, 但最重要既係, 點先可以從環保, 經濟, 民生, 簡易裡取到個平衡點!!

我非常同意他們懂事開始就要教育是可行的,如我早在家已把垃圾分類, 所以我個仔自小就知道怎樣分, 同時我出街買東西都攜帶環保袋的, 因此當他自己出街買衫褲等等都會放在自己的袋, 不過最重要是自己做好榜樣, 我們下一代便重視, 希望大家身體力行, 求求地球。