問動物之林nds遊戲

1. 金斧頭取得既方法比較複雜，要同好多特殊人物交換物品先得到。根據以下既步驟：
1.種一個紅蘿蔔(種子可以係星期日早上向山豬買，1,000 bells一包)
2.等畫家海象黎你條村，你俾個紅蘿蔔佢食，佢會送你一條頭巾(非賣品)或者吉他。如果送你既係吉他，將個吉他送俾K.K.(星期六晚係咖啡廳唱歌既狗仔)，佢會送佢張相俾你。
3.如果收到既係頭巾，咁就等駱駝黎，你再送頭巾俾佢，佢會送一個壺(唔記得係咪非賣品)或者一張按摩椅(非賣品)。如果係壺就送俾奸商狐狸(住帳篷那隻)，佢會送夾萬俾你(非賣品)。你可以用夾萬同商店既狸貓換佢既相。
4.如果你收到按摩椅，就等村長出現時送俾佢，佢會送個金色貝殼俾你。
5.將個金色貝殼送俾海狗(間中會係海邊，同佢傾完計，送份禮物俾你就會跳落水那隻)。佢收到後會問你問題，答中有佢既相，答錯就有金斧頭。

功用：永久保用，唔會砍斷(平時既砍幾次就會損耗)

2. 想種錢樹就一定要有金鏟，金鏟既取得方法：你需要2個普通泥鏟。你先用泥鏟挖一個洞，之後你打開自己既袋，選擇埋另一個落去。24小時後，你再挖返出黎，個泥鏟就會變成金泥鏟。
用金泥鏟種錢會變搖錢樹，不過都唔一定會種到。要埋幾多錢先種到我唔係好記得，但太多既話會蝕架。因為，種出黎既搖錢樹只會結一次果，搖佐落黎之後，會變返做普通樹。而且要記住，條村唔係所有地方都可以種到樹，所以最好都係砍走一棵現有既樹黎種會穩陣ｄ。