你地bb飲緊邊隻奶粉??點解會揀呢隻??

我細仔飲梗美樂寶o既"愛他美"1號奶粉.......佢係出世時醫院飲開呢隻,我見飲得幾好同埋唔係好熱氣所以唔再轉(大,小便正常).........至於價錢間間賣都唔同,我依家o係藥房買$130,但我見supermarket賣開$150-160左右,所以您要格下價!!
依家bb兩個月,今日去做檢查磅重 - 5.94kgs (重得好好)

至於我個大仔就飲萬朝(韓國奶粉)....又係跟醫院飲開o既...
不過我大仔o個時賣$100蚊都唔駛,依家好似要賣$120左右,但我個人意見就係我覺得萬朝無咁熱氣,但愛他美就可以食得個bb大隻d.....

但最終係點就梗係好睇每個bb啦!! 希望幫到您啦^^

我兩個女起初都係飲美樂寶"愛他美"1號奶粉，因出世時醫院用開邊隻奶粉就飲番邊隻（醫院每期都有唔同嘅奶粉餵ＢＢ，因為視乎供應商供應什麼奶粉），起初都覺得幾好，內咗就覺得麻麻地（體重明顯比之前無乜分別），同兒科醫生商量過（推薦飲安嬰寶A+，對腦部發展得好啲），叫我幫ＢＢ轉奶粉，等佢地吸收好啲，依家轉咗安嬰寶A+，效果都幾好，市面上賣緊一百五十幾，藥房就一百四十幾（平小小），妳不妨一試．