點解yahoo news 要改晒d 釋名?

呢個純粹係編輯決定。
外文名字o既中譯版本，如果冇官方公布o既正式譯名，點譯就真係傳媒自己話事。如 George Bush 曾經出現過「布殊」同「布什」兩個譯法。因為係音譯，用不同語言o既音去砌一個同原文近似o既拼法，各有讀音限制，所以用文字寫返出o黎可以相差好遠。
最多人識o既，可能就係球星名。David Beckham 香港多年來譯做「碧咸」，係廣東話音，音近 bik - ham；內地用普通話譯成「貝克漢姆」，音近 bay-ke-han-mu。可以睇到一個中港兩地音譯o既取態：
香港重視音節，務求譯名短，子音／尾音都唔重視、省略（有線ｄ譯名最不堪，子音 n / l 不分，為求順佢口亂作，如 reyes 譯成雷恩斯，恩有 /n/ 尾音，但成個名都冇 n）；內地就譯到逐個子音都譯埋，唔介意長。但以 Beckham 做例，就睇到兩地譯者都唔知英文點讀。beckham 中個 h 係唔發音架，所以讀出o黎係 beckam。
由於中港兩地譯名有差異，回歸後好多傳媒都同內地接軌，舊名用開唔變，但新譯名都轉向用大陸譯法。
蓮莎露夏恩／琳賽蘿涵，我估係 Lindsay Lohan，但其實 Lindsay 係讀 Lindzi ，唔係 say，所以兩個都錯，但傳統係譯林賽，都冇計。白高敦／布朗，即 Gordon Brown，港譯白高敦，因為呢個係港府譯高官名傳統，姓名兼譯，然後縮成一個似中文名o既「姓名」。如前港督 David Wilson，未做港督時，個譯名叫做魏德巍，後來改名做衛奕信，先全由姓氏譯出。
而「布朗」係 Brown o既傳統中譯。內地冇呢個傳統，咁譯好自然。

因為現今很多音譯是普通話(香港之前是廣東譯音), 而至今天的不輪不類, 令人一頭霧水的譯音.
我喜歡體育, 但球員或球會的譯音..... 搞到我完全唔知邊個打邊個... (借用)
例:
意大利射手卡薩諾(卡斯辛奴)
埃弗頓(愛華頓)
西班牙人羅夫雷多(路比度)
曾排名世界第一的休伊特(夏韋特)
14號種子斯列博特尼科(施寶妮克)
等等...
搞到我完全唔知邊個打邊個... (借用)