✔ 最佳答案
1. 小狗無話一日要食幾多條芝士腸, 芝士腸係零食, 唔一定每日都俾佢食, 食得多唔一定好, 我個人意見, 零食係一種treats, 做得岩, 做得好先奬少少佢食, 同埋其實有d狗食既芝士腸都幾咸既, 唔介意既話可以自已試食下, 狗狗食得咸野多, 對佢地個腎臟唔係咁好
2. 其實如果日日出街, 而每次出完街後都會同佢清潔腳仔同抹下身的話, 夏天可以2星期沖一次涼, 冬天可以3星期至1個月先沖一次, 其實狗狗皮膚正常, 唔駛定期用藥用沖涼液沖涼的話, 唔應該同佢地沖涼沖得太密, 咁樣反而仲會對佢地既皮毛唔好
3. 第一, 煮過野既肉已經無乜營養可言, 加上又有味道, 狗狗食得多唔好
第二, 點解狗狗唔食糧就要遷就佢呢, 你試下一d零食 (包括芝士腸) 都唔好俾佢食, 只係係食糧時間俾糧 (最好無雞肉俾佢揀添!) 佢食, 20分鐘後, 無論佢有無食晒d糧都收起d糧, 就算佢肚餓都好, 唔係食糧時間都唔好俾其他雜糧佢食, 只要你忍心, 持之以恒, 大約一個禮拜到, 佢應該會乖乖地食晒d糧去
咁樣做唔係要虐待佢, 只係希望佢唔好揀飲擇食, 要佢食狗糧都係為佢好