✔ 最佳答案
我覺得唔好俾蔬果鼠鼠食會較好,如果堅持俾鼠鼠食既,都要俾生既,但我覺得最好唔好,唔係好易令鼠鼠肚痛,蔬果可以俾鼠鼠專食既脫水蔬果
其實只係俾混合主糧已經好足夠,主糧係指一包有好多種唔同野食既糧.我而家隻鼠就只係食主糧,我個人經驗係愈少雜食,鼠鼠身體愈健康,可以去到年老都冇病.
原因如下:
1)鼠鼠多數鍾意將食物收埋入腮再去安全地方收埋(有時鼠鼠放入腮但都會好似食緊咁),之後再食,新鮮食物咁處理既話會好唔衛生,好易到食物壞左鼠鼠先進食
2)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既
3)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過
而鼠鼠本身住在沙漠,所食到既植物都同蔬果好唔同,水份一定好少
4)其實人類既食物大多數都唔適合鼠鼠食既,有d食物可能好少份量已經會超出鼠鼠可承受既鹽or糖份(果糖都係),又或會對鼠鼠係太刺激食物等,食得唔健康好易病既
俾鼠鼠食既野好影響鼠鼠既身體,亂咁俾野鼠鼠食,好易會令鼠鼠唔舒服,例如肚瀉,膀胱炎等
萬一鼠鼠便秘既話,其實可以俾d橙衣俾鼠鼠食,唔太多水份,又有益,我細個時試過鼠鼠便秘,食完橙之後肚瀉添
2007-08-15 10:31:24 補充：
而家既鼠糧已經包有好多唔同既食物,都好足夠令鼠鼠有營養,而睇返鼠鼠原居地(沙漠),其實唔難明白鼠鼠唔需要食太多水份既野的當然唔係食蔬果一定肚瀉,但有其他代替品會較安全,就當然避免一下會較好之前漏左講,若真係要俾鼠鼠食蔬果,都記得只俾極少,最多都係一指甲大小
2007-08-15 11:16:41 補充：
烚熟左既蛋白係可以的,但都唔好俾太多,少少先得,而且必須熟透,不過由於雞蛋近年太多問題,所以一般我都唔會建議人俾鼠鼠食其實鼠鼠冇病冇痛既情況下我就唔會俾鼠鼠任何"補品",因為食得多呢d會好易肥,鼠鼠肥會誘發好多病如果鼠鼠病or真係想俾多d營養鼠鼠既,我建議可以俾白麵包同麥片,人既食物我只會俾呢兩樣俾鼠鼠食既
2007-08-15 14:23:18 補充：
菜1,2條實在太多了...一條菜差不多一隻鼠咁長,而且鼠鼠一次一定食唔晒,可想而知係過多得好緊要了放得耐or俾鼠鼠收埋腮就唔好,好快會壞,再食就危險,壞食物如果放得耐在腮都易令腮發炎而香口食物及乳酪糖我就就覺得唔太有益,又好易致肥
