只有兩個月大的小貓...

啲貓唔鍾意住喺籠入面，所以佢會成日叫。你唯有放佢出嚟，多啲同佢玩、抱吓佢同佢傾偈，貓係受軟唔受硬，慢慢佢就會感受到你o既關懷。我啲貓執番嚟，其中一隻貓係俾細路仔虐待過，好驚人，同你隻貓一樣咁大，我初時都驚養唔掂，幸好我的愛心終於打動咗呢隻小貓，你都要加油呀!!! [如有疑難，不妨send信問我，我會盡我所能解答你]

2007-08-16 08:45:42 補充：
啲貓匿入啲黑暗地方，佢哋會識得自己走番出嚟，我啲貓遇到陌生人，就會自己搵窿捐，一啲攝入梳化底、一啲捐入洗衣機後面或者廚房灶底，過後就會自動走番出嚟(佢肚餓一定會走出嚟)。我試過有一次見咗隻貓，搵咗成日都搵唔到，仲走圍貼街招尋貓，點知我夜晚返屋企，佢就喺櫃底走番出嚟。

兩個月大的貓貓, 還是一個初生嬰兒, 須要細心照顧及注意.
你的貓還未太適應新環境, 困著他只會令他更驚. 隨他四處走走, 比佢盡快習慣.
只要小心窗戶便可.
你當他是你2個月大的bb就是.

其實我都係養貓新手, 我都係前幾日先帶一隻兩個月大o既貓貓返屋企...起初我困佢嚮籠, 但係佢實在叫得太慘喇...所以我放番佢出唻...點知一放出唻佢就匿埋嚮全屋最黑o既地方, 例如櫃底, 或者門後面...

到我瞓覺果陣我就好狠心咁由得佢一個嚮廳, 我就關埋房門瞓覺, 唔俾佢入房, 費事縱慣姿勢, 第一晚佢不斷咁叫, 叫到我成晚都瞓唔到...但係到第二日可能佢已經熟習左, 所以已經叫得冇咁厲害, 夜晚瞓覺都唔再叫喇...

所以俾少少時間隻貓b適應, 佢要匿埋都唔好理佢, 等佢自己熟習環境, 好快佢就應該可以融入喇~~

因為貓貓去到陌生地方佢會驚ga~
你試下~將個籠放係一d 見到你既地方~sleep 既時候~一定要比佢見到你~如可以既~試下開埋燈~
或者~開住電視~開住歌~等有d 聲~佢會冇咁驚ga~
因為之前我帶公園去絕育~d 貓貓返到屋企~到我訓覺~關燈~
佢就會係咁叫ga~我試過有一隻~我開住d 歌比佢聽~
佢成晚都冇叫過~有一隻~試過開歌唔得~就放個籠係我附近~等佢見到我~佢就唔叫啦~
我亦都試過~有一隻...........要我望住佢訓..........
不過我聽d 公園餵開貓貓既太太帶貓貓返屋企去絕育~放係屋企呢~佢地話搵塊黑布~蓋哂成個籠~唔透光果種~佢地會唔叫ga wor~不過我未試過~
而家我養緊果隻~岩岩帶佢返屋企~果時兩個月到啦~佢就冇叫過~~
因為隻隻貓都唔同~所以好難比到一定真係得既方法你ga~
不如你試下呢d方法先啦~睇下得唔得呀!