鼠類..兔類...的食品邊到有得買

你可以去太子金魚街...成條街都有好多呢啲野賣...例如寵物便利,龍貓樂園,q兔廊,紅蘿蔔等等.....間間價錢差唔多......除左紅蘿蔔會貴d.....通常去邊間買都冇所謂.....我所有用品都係呢幾間買....都冇問題...但係動用本身就唔好啦....尤其寵物便利同龍貓樂園.....好多動物都唔太精神.....啲staff仲教錯晒啲知識俾人.....好似我第一隻兔兔o係龍貓樂園買.....過兩日就死左....喊死我......我決定以後唔會再o係果到買動物.....而家隻兔兔o係紅蘿蔔買...都好好冇事....仲有活躍添.....

我鐘意去 "紅蘿蔔" 買....因為太子金魚街果D細鋪....D質素無咁好....款都唔多
不過佢係貴少少....我都鐘意果度買....
因為款式多而且齊...而且有小食....用具...靚屋仔...同藥粉賣...
而且紅蘿蔔都有幾多店....我去開APM...同埋太子金魚街果兩間....
太古城同北角都有分店....
新界就荃灣廣場3樓有一間
地址可以到這裡看看: http://www.redcarrot.com.hk/

大埔廣場..龍猫村...呢間d打平d

粉嶺壁湖花園(近火車站)的Q.PAT.......d野比較貴些少