如果有左bb,但肚仔是否涼涼的?

如果妳覺得個肚涼涼地都唔係幾好咖（中醫講，如果子宮冷個肚會係涼的，受孕都比較難，如有孕者都要小心，容易小產），因為子宮冷會令個胎着床唔到！
所以妳要小心啲，我之前都好似妳一樣，子宮冷比較難成孕，之後就揾中醫調理身體，卒之成功懷孕，在懷孕期我非常小心飲食，每樣瓜類都唔敢食，直到生為止！

我有咗的時候，好多菜都唔敢食，只食菜心，油蜜菜(中醫講)，西生菜小許．可以飲鮮奶同孕婦奶粉都可以補充營養或者鮮奶燕窩／燕窩燉雞／花膠燉雞．豬都得(好有營養)．

多食花膠都無妨，因有滋陰同有黏性作用的，都有輔助子宮的功效！

還有婦產科醫生比咗張紙我，說有咗之後忌食什麼東西．
忌服：木瓜，苦瓜，黃瓜（即青瓜），節瓜等．
忌飲的東西：含咖啡因飲料，如中國茶，奶茶，檸檬茶，唂咕及可樂等．
每週吃海鮮不可多過四餐，如魚，干瑤柱，帶子，象拔蚌及蠔市等．
以上的食物都對胎兒有一定的影響，盡量忍口吧！不可不信！
木瓜真的很厲害，我試過小產之後無做任何手術，只吃木瓜都可以落掉個胎．

記住記住要休息多啲，食多啲有營養嘢補充個胎同自己！

以上的資料，我都希望幫到妳！祝妳同未出世ＢＢ健健康康！

2007-08-16 14:04:59 補充：
係無乜方法可令肚仔暖啲！等個胎大啲會自然暖，因為妳同個胎都有一定嘅溫度的．如果妳真係想搵辦法去令個肚暖啲，妳都可試吓用手掌心磨擦完，然後放在肚上（都有熱能），未必有效，都可令自己舒服一啲．這做法唔會傷到個胎（當幫個肚做按摩），又無副作用．

恭喜妳有了bb, 有咗bb與肚仔涼係無關係, 不過都要小心, 唔好比自己冷親, 因為病咗都唔係咁好, 孕婦係唔可以除便食藥! 萬事小心啦

多脂肪個肚仔是涼涼地! (男女都係!)
驗下啦!

有左bb同個肚仔有無涼涼地係無關係架喎, 妳唔好自己嚇自己啦, 咁其實你係驚有左bb,定係妳而家陀緊驚bb有事呢?總之有無bb都好, 同個肚涼涼地係無關架啦, ^.^