請問電結他考試(TRINITY ROCK SCHOOL ),是否要一級一級考??//

唔需要一級一級咁考架
你鐘意考咩級就咩級,完全係你自己決定既
但係如果從來未考過試的話
我建議先考5級再考8級
因為絕大部份人考試都會好緊張,5級係當拎考試經驗,俾你知道考試既模式係點
到你考8級既時候就唔會咁緊張,咁就會順利好多
至於點解要係5級,而唔係其他級數...
因為5級開始就要考埋即興,每一首考試歌都會有幾個bar係即興位
咁你熟習埋呢到,到8級既時候就唔會咁"恐懼"

絕對唔需要！你想報幾多級都可以，
無話要一級一級考的，
想一考考3 級又得 5 級又得，想一考考 8 級都可以！
基本上你報幾多級都可以，
其實好少人真係會一級級咁考，因為一級一級考，
內容程度分別唔會真係太大，而且好貴，通常都會跳級既！

我諗應該係一級一級咁考架喇