ce中英文我都得level 2,升讀大學的機會有幾大?

現時各間大學尚未就新評分制度制訂語文要求, 但有傳港大及教院會要求考生於會考語文科考獲第三級或以上級別. 教院更表示, 如果主修語文科目, 要求或許會更高. 所以無論你想入咩大學, 都建議你下年再考一年. 當大學提升收生要求時, 你retake番都有機會升grade去迎合大學要求.
至於as中化&as英語成績, 當然成績愈好機會愈大. 語文、翻譯、法律、環球商業、新聞及傳播、傳理、科大工管等科目會對其中一科或兩科語文睇得特別重要. 仲有, 除中化及UE外, 其他科也是重要的. 由於每個學系收生成績有所不同, 建議你到http://www.jupas.edu.hk/查看.
善意提醒: 見你英文Level 2, 你一定要花心機學好英文. 預科英文(UE)比會考英文深好多. 預科英文合格率已經創10年新低, 好多會考課程甲剛合格的考生考UE肥佬, 最可惜係有D考生其他科考得好好, 但係UE唔合格, 最後升唔到大學.