盲人餐廳喺邊 ?

全港第一間摸黑餐廳 Dining in the Dark 暫時以租場形式，逢星期六在灣仔「麗都酒店」開業，客人由進場到離開，都在伸手不見五指的環境內進食。
我未去過，但909期「壹週刋」內有一篇是一個在那裡當侍應的人講佢嘅工作，由此你可略知一二：
「你好，我是你今晚的服務員，穿過這塊布簾之後，就咩都睇唔到，但你哋唔使驚，搭住我膊頭慢慢行，一個搭一個，我會帶你哋去你嘅座位。
而家穿過布簾，首先要上四級樓梯，右手面係扶手，一級、二級、三級，未到架，喂小姐你唔好咁緊張，哇，你唔好大叫啦，唔使驚呀，行完四級，前面仲有十六級.........」
十個客有九個客都是一樣，一路行一邊說好驚，又不停問到未，問我帶佢去邊度，問係唔係真係有樓梯，問我識唔識路，問問問。
問咁多，因為看得見的正常人，都不容易信人。
我唔同，我出世就失明，因為失明，有時要依靠別人的眼睛，唔信，就沒有人可以幫我了，所以我很習慣信任別人。
正常人要在全黑的環境進食，往往手足無措。很多客人找不到自己的水杯，沒有記住位置，轉頭就失蹤，結果全枱人一起揾，揾到都不知是不是自己的。
看不見食物，唯有亂拮一通，有時以為拮中，放到嘴邊才知道食空氣。唔小心跌了支义，就大聲叫我救命，食到後來，很多人索性用手食了。
在這間餐廳做了一個月侍應，這是我人生第二份工。失明人士揾工很難，這一次在酒店當侍應，我也訓練了三個月，如何上菜，如何招呼客人，對我來說也是挑戰。
最難的，其實是要令客人放鬆同放心，看不見，不是世界未日，我們還有聽覺、觸覺、嗅覺。試過有客人坐唔正，不小心跌在地上，有人將菠蘿當蜜瓜，其實只要先用手摸摸椅子的位置，用鼻聞一聞，就可以了。
很多客人離開時，都會多謝我，但在離開前，他們第一件事，總是要我帶他們去洗手間。
點解？食到全身全臉都是飯呀，你話點見人？

2007-08-16 22:58:49 補充：
應是西餐。請打電話詢問：麗都酒店灣仔皇后大道東387-397號電話：3552 111