男性請入：想問男性對女性的慾望會是...

要做咪結婚囉，阿女人明知佢之前都有同其他女性有性生活，好明顯佢以性為樂啦。
佢同你一齊係因為未得到佢想要既野，得到左阿女人咪變左果班同佢有性生活既女人
其中一位囉，一做左就無晒興趣啦。
自己決定啦，阿女人。



戀愛唔係PART-TIME，你唔可以話：『愛！做完咪走囉！』
戀愛係一盤生意，你要二十四小時諗住佢。
結婚？
咁就要向公眾交代，咁就即係上市啦！ by 黃子華


p.s.點解我遇唔到D咁好既女人既~~~

我認為係可以o既!!因為當正真愛一個人,又點會只靠性愛去維繫?!我本人愛左一個女仔差不多三年,但 lee 三年以來佢一直唔接受亦唔拒絕!我同佢o既關係就係一直咁唔清唔楚!而 lee由 lee 點所見男人真心愛一個女人時,未必一定要有性存在!有時冇性,反而先可以測試到男人對女人o既愛係有幾真心!
講真男人同女人發生性關係...男人打個冷震就搞掂啦!
而女人呢?比左男人後,有好多問題要擔心,
怕個男人打完齋唔要和尚...又要擔心有bb...
lee d 咪叫女人之苦囉!!
所以我覺得男人應該要體率女人...
如果個男人淨係一味話想同你做...個藉口又層出不窮...佢本身個目的咪就係想同你發生性關係咁簡單囉!
如果佢係真心愛你...又真係正如佢所講一樣...你係佢理想結婚對象...
三年之嘛...點解唔等得??三年之後大把時間同日子可以做啦!!日日黎都仲得添!!
我覺得佢搬埋佢(母親)出黎講實在有 d 太過...我唔信會有咁o既阿媽囉! 咩思想黎架?佢阿媽本身都係女人...點會唔明女人之苦啫?!
以前我有個女朋友行左五年,喺我屋企住...有一次比我阿媽唔覺意撞爆我同佢咩...我阿媽都幾惡咁同我講...你地搞乜我管唔到...但點都好你有冇諗過負責任?同你而家仲未有本事成家立室就千祈唔好搞大人個肚! 所以我唔信佢阿媽會咁講(咩要以做愛來建立更深一層的關係)...叫你男友講還講咪屈伯有先得架!!
實在太過份!!

他愛你的身體or你的人？如果單是身體，他會有厭的一天，又或者得到了也不外如是，這些全是男人的借口。你會覺得這個男人是你的終身伴侶嗎？我怕你遲d會失望，連想和你上床也是亞媽的主意，你又信這個說法？我在想，這個男人只是玩玩下，他的船是一隻賊船，你千祈唔好上船呀！！！
男人需要女人，女人需要男人，原是各取所需，但見了兩次，便要上床，值唔值得同佢再交往落去？你不是蠢女人，怎會覺得這種男人也忍得？(我不是想鬧你，但係好den你牙，希望你清醒)這種男人太膚淺了，你小心為上，你深愛他嗎？如果唔係，就早走早著啦，你仲想他可唔可以等多三年，答案顯而易見啦！！

祝你早日找到你的真愛！

ps：也許有些話你唔聽，但遲d你就知啦

簡單來講，男人係肉慾的一堆，而女人就係愛幻想的一群。妳幻想佢會同妳結婚，而佢好可能只係對妳的肉體有興趣而借詞游說，不過睇妳段內容，妳應該正係俾哩一種幻想沖昏緊頭腦；咁講可能妳唔願意去相信，但睇妳哩個 Case，我作為男性，好有理由相信哩個係事實（哩個係好多女仔的通病：又要驚又要問，話到明俾佢知又唔願意信，無他，因為「唔試過唔知o架o麻！」，好o勒，到頭來真係發生事就喊到豬頭咁，一諗起又喊，搞到身邊的朋友都唔知點安慰佢……哩Ｄ都係我一路以來身邊的真實經歷，唔係三幾單咁丁多，亦絕冇講笑）。

性愛，有性有愛，但唔好理解為先性而後愛。兩人相愛之中，性只係一種調劑，亦係兩人之間昇華的橋樑，郤並唔係主要的動力；講緊的「昇華」，係由一個階段去到另一個階段，哩樣o野並唔係用日期時間來訂的（例如話拍左拖三個月就要用造愛來昇華，此乃荒天下之大謬！），最起碼大家都要有感情基礎，有一定程度的了解，有一定程度的相愛，連相唔相處到都未知，昇乜鬼華？講返轉頭，究竟有性先有愛，定係有愛先有性，其實響現今哩個社會可以話已經冇個界線，但老實咁講，先性而後愛哩家o野，愛幻想愛憧憬的女人都仲可以信佢做得到，但男人就可以話十個有九個都唔多可信（除非覺得佢真係好愛妳、尊重妳同關心妳，咁都仲可以信住先）。

睇返妳方面（假設哩個係妳），跟據形容妳絕對係屬於先有愛再有性的人，不過妳提到哩個「有位男性」，可以大膽講佢活脫脫係一個有性仲要係無愛的人，由始至終只係想要肉體的快感，仲卑鄙到用結婚來 TUM 人上床，咁做法就好似放線釣魚咁，而釣到之後就十居其九會掉走佢；依我作為男性咁睇，會覺得佢根本就冇心同妳結婚，欺騙緊妳對未來的憧憬，當你信以為真而將妳的身體俾左佢，冇幾耐你一定會喊住搵人訴苦，仲會因為哩件事而痛苦好幾年，話唔埋響妳人生裡面仲會時不時感到後悔。當然如果妳覺得愛佢，就算明知佢唔係真係愛妳個人，都心甘命抵將身體俾佢的話，咁哩個 Case 亦都再冇要研究的地方了。

講真如果一個男仔真係愛一個女仔，如果女方唔想造愛，應該係會尊重佢的決定，決唔會係咁死 LUR 要造，又哩又路，仲要作埋Ｄ咩阿媽意見，咩更深一層關係…邊有阿媽教仔叫佢識女仔要同佢造愛先o架？你估落訂咩……？

俾著哩個男主角係我，如果我識得一個成年的女仔原來仲未經人事，我會覺得佢係稀有動物（哩種稀有並唔係壞事，仲好值得我欣賞），當我有機會同佢一齊後，我會因為佢仲係處女而更加愛o錫佢、保護佢。唔怕老實講我當然都好想快點得到佢的貞操，有咁的想法其實係出於自私的心態，因為社會變數咁多，我唔想有乜意外而做唔到未來老婆的第一個男人，當然要睇個女仔肯唔肯，係冇得迫的。
（順帶一提：跟據法例，響女方唔願意的情況下而威迫佢性交，女方係有權以強姦罪來起訴哩個男人；不過因為太多人唔想麻煩，所以胡里胡塗咁就唔追究算數）

總之，愛一個人，要愛埋佢內同外，唔係話單憑性就可以維繫，莫非冇性就唔愛個男人／女人？咁如果有日個老公性無能，或者個老婆因為咩病而唔可以性交（又或者個老婆要生仔唔方便性交），咁係咪要離婚搵過個呢？抑或叫佢唔好阻止我去召妓／去勾佬？

希望哩度少少意見會幫妳去思考一下，想想究竟哩個男人係咪妳心目中 One Life One Love 的男人，係可以付託終身的男人，最希望係妳唔會因為一意孤行去接受哩件事而令到自己有所遺憾。

最後祝　妳早日搵到個真正愛妳，尊重妳，同埋關心妳的好男人。

2007-08-14 13:46:33 補充：
補充：基本上，如果對一個人真係有愛的話，造唔造愛並唔會減少對哩個人的愛；講話如果唔造愛就唔係愛情，只有虛無飄渺，唔得真實之謂者，咁我夠膽講句：根本就係吹水！３年結婚？係，不過肯定唔係同妳囉…

我覺得佢愛你, 你地既關係唔係用性黎確定..
如果見面兩次就要求發生性關係..
到底佢發你有幾深, 你地認識又有幾深..
我唔排除佢係一個會和你結婚既男人.
但如果佢認定你係結婚對象前,
係咪都應該比d時間大家去了解一下...
係咪單憑深愛既感覺就可以談婚論嫁呢?
佢會唔會只係想擁有你...喜歡你外表同body呢?
如果他日又位更吸引既女性遇上佢...
你地既關係又會點呢?
如果你都係一個open 既人..easy come easy go既...都可以考慮..
如果係保守既, 就睇清楚日子耐d先!
如果因冇發生性行為而佢離開你, 亦唔需要為此人難過!

我係男
講我既睇法之前
講講一句人地講過既野先
"想用性去縛住一個男人係最愚蠢既做法"
一個男人
唔會大肚
做愛既時候係會郁得多d
但係佢爽完之後
放低一d野咁就走得
但係一個女人
事後又要擔心大肚
又會怕會唔會有咩病
咁你諗諗佢講既野岩唔岩
一齊半年
咁就要求做可能冇錯
不過唔代表你一定要同佢做
一個咁唔體諒女朋友既男人
講真果句
唔要都罷
何況仲要一直有和其他女性有性生活
我可以話你知
就算佢3年後真係結婚
佢都唔需要忍受3年禁慾
點解呢
因為佢根本唔會去禁
我唔會話100%係咁
不過佢好大機會係呢半年內都會有同其他女性有性生活
唔係要話男人都係衰人
只係我覺得呢個唔係好人
或者我講得多左
不過你真係要睇清楚呢個男人先
佢未必係一個好既結婚對象
何況佢會因為女人多次的拒絕後十分不滿
佢真係唔會點體諒你既感受
一個唔會體諒女人既男人
我勸你都唔好嫁佢.......................
或者可能係你既問題當中有d誤會
令到我既答案唔岩
你可以再講詳細d
我一定會再黎睇

2007-08-17 14:13:37 補充：
睇到☆╮Ω∵αηδτεω∴Ω╰★
答得太好佢講既野真係好岩=.=" 如果刪答唔係會扣分我都會刪真係比下去了.........