星夢的「未被啟發的聖物」及「艾瑞爾之門」任務

未被啟發的聖物:

係６月２９日維護後，大家可以係星夢百貨買倒『熊爪娃娃』！
使用熊爪娃娃將會得到以下的物品：

鬥力戰之符 - 增加1.5倍傷害既護符。
淨化之書 - 減少使用者30%所持有的死亡經驗值。
聖言之卷 - 減少使用者60%所持有的死亡經驗值。
生命之書 - 能令使用者死亡後獲得重生的力量。(死亡懲罰和原有相同。)
殺人熊彩券 - 儲齊300個可以換領殺人熊之爪
殺人熊之爪 - 等級限制： 80 其他資料： 不可交易
生命上限+ 1000,魔力上限+ 1000,攻擊+ 900,防禦+ 125,
魔攻+ 900,魔防+ 150,命中+ 120,迴避+ 110


第一章 - 「未被啟發的聖物」
第一步§　建議等級80或以上，因為任務後半部份需要配戴殺人熊之爪。
殺人熊之爪擁有大量減少星刃廢墟中怪物使用技能所帶黎既傷害

大家可以到神團聖殿搵神官．利芳兒(X:3267 Y:3244)觸發任務，如身上擁有殺人熊之爪，神官．利芳兒就會問你有願唔願意幫佢調查一件事，
利芳兒懷疑神團內部有內鬼想利用異常的手法阻止星之門開啟，仲想奪取星刃廢墟內既關鍵物品添，
所以佢殺人熊之爪入面收埋左廢墟既其中一件野，黎引導合適既玩家黎幫手解決ｄ件事。
佢仲話俾我地知，神官既身份其實係偽裝既身份，佢既真正身份係負責看守星之門各種唔同鎖匙既人!
[對話後獲得技能 - 星刃旋渦(只可以係星刃廢墟使用]

第二步§　
正當佢交代完成件事既來龍去脈之後，佢就打算拎張入廢墟既地圖俾我地，
[等大約兩分鐘再點]點知俾一個懷疑偷聽我地話既人搶左個地圖！
利芳兒吩咐我地去黑暗森林既西北方，相信果個人仲會留係廢墟既入口，因為佢需要我地既殺人熊之爪，
搶番魔法地圖記得番去搵利芳兒，因為佢仲有事需要同我地說明。
去到之後同佢打起上黎，打嬴左就可以搶番張魔法地圖，再番去搵利芳兒交代件事。

第三步§　
利芳兒要我地幫佢保管星跡之刃，直到艾瑞爾之門開啟為止[艾瑞爾之門即星之門]，
進入星刃廢墟後會發現3個召喚石塔，石塔四周會定期召喚大量魔物[唔好打ｄ魔物呀,一打佢地佢地會爆技嫁=-=]，
每一個召喚石塔都可以召喚出一隻機械守護者[24小時內只可以召喚一次]，只有技能星刃旋渦先可以到佢地做成傷害，
擊倒機械守護者後將會得到能量碎片，集齊６個之後就可以去啟動「中央的傳送裝置」[冷卻時間20分鐘]，
令到機動靈－撒拉出現，只要擊倒佢就可以得到『星跡之刃』喇！番去搵利芳兒回報就可以得到<蒼之引導者>既稱號喇！
＊擊倒機械守護者便可以得到額外技能『星刃風暴』及『星刃護盾』
-星刃旋渦：單體攻擊技能，能令星刃廢墟的生物造成傷害的技能。(只能用於星刃廢墟)
-星刃風暴：範圍攻擊技能，能令星刃廢墟的生物造成傷害的技能。(只能用於星刃廢墟)[每殺死1隻機械守護者就可以用6次]
-星刃護盾：能令星刃旋渦及星刃風暴的威力提升並減少傷害的自身技能。(只能用於星刃廢墟)[每殺死1隻機械守護者就可以用6次]


順帶一提，啟動「中央的傳送裝置」同時會召喚出神團騎士．加布列，
有興趣可以擊倒佢，擊倒佢將會得到星跡項鍊，
只要配戴星跡項鍊，係死亡後將會復活[每個可以用４次]，(死亡懲罰和原有相同)。

2007-08-17 00:20:37 補充：
第二章 - 「艾端爾之門」§第一步　建議等級85或以上§殺人熊護手 主要功用:做到任務中段需要有d件裝備先可以繼續任務完成第一章任務「未被啟動的聖物」後，大家可以番神團聖殿搵利芬兒觸發第二章任務，利芬兒得到情報，得知艾瑞爾之門既重建工作已經完工喇，為免我地手上既星跡之刃再度成為追擊目標，所以利芬兒就委託我地，帶住星跡之刃&守護者密函前往尼尼亞皇城皇宮，交俾駐紮軍長官．艾迪蘭(X:3276 Y:7254)。[觸發任務後將會得到1千萬經驗值作獎勵]

2007-08-17 00:21:41 補充：
§第二步§皇宮前園§去到尼尼亞皇城既皇宮[終於都入到黎啦]然後再入艾端爾之門，見倒駐紮軍長官．艾迪蘭(X:7719 Y:6999)之後交出守護者密函，交出密函之後佢都唔信好信，仲要我地出示守護物，確認身份之後佢對我地即刻好有禮貌 ，當然我地都唔可以囂張既-~-我地都只係受人委託既姐，然後佢就指示我地將星跡之刃交俾建築工匠．剛德!係建築工匠．剛德果度得知星跡之刃只係其中一件啟動既零件，當中仲有部份特殊既設定需要d類型既守護物，計埋星跡之刃仲爭兩件，仲建議我地問問駐紮軍長官．艾迪蘭，睇下有無咩線索。

2007-08-17 00:22:24 補充：
§第三步星湖迷宮§到達星湖迷宮，入到去發現古代星靈、遠古人偶，你唔打佢佢唔會打你既= =，行行下發現一個叫做法拉既人企左係度，[記得轉番個蒼之引導者既稱號，如果唔係既話,佢會放寵打你嫁]，原來法拉都俾人發現左佢係守護者d個秘密，為左避開敵人既追擊，所以就係度暫避一下喇!將利芬兒既委託都講晒俾佢知之後，佢就話俾大家知佢將佢既守護物放左係個迷宮入面，仲落左好多重機關鎖住左添，所以大家需要幫手解除機關，拎番個守護物出黎!

2007-08-17 00:23:07 補充：
根據法拉既解釋，迷宮入面有十顆星之樹，手持殺人熊之爪+護手，就可以將樹上面既魔力發放出黎，但係要小心，每顆樹都會有古代靈體守護住[小心佢爆技,建議搵多幾個朋友一齊做]，當釋放晒十顆星之樹既魔力，就會得到樹之守護，然後就可以靠樹之守護進入地下水晶區，但係只有5分鐘時間，要好好把握[可以同埋隊友入去一齊做每人身上都需要有樹之守護,同龍任一樣]。入到去地下水晶區，大家會發現4個抑制裝置，只要打倒抑制裝置衍生出黎既怪物就可以經原路番出去搵法拉，[記得係5分鐘要出番傳點如果唔係就會當失敗嫁喇]

2007-08-17 00:23:32 補充：
法拉已經係我地破關既時候，拎番守護物星雲鎖匙，仲會送個神聖護手之魔力源俾大家做獎勵添神聖護手之魔力源能夠強化殺人熊護手做Lv92既盾牌嫁!臨走前法拉仲話俾我地知另外一個守護者既名字係叫做森耐斯，個名係唔係好熟?咪就係皇宮艾瑞爾之門另外一位駐紮軍副官囉=-=§第四步第三件守護物§番到去艾瑞爾之門搵駐紮軍副官．森耐斯，得知原來佢得到守護物既時候，就已經收埋左係另一個地方，係邊度?原來佢居然收埋左係法拉既戰鬥精靈度，連法拉自己都唔知道，就算俾人發現左，都無諗過法拉身上居然會拎住兩個守護物啦!真係大膽既方法呀!

2007-08-17 00:23:56 補充：
番到去法拉到講左d件事俾佢知，法拉決定遲d先搵佢算帳，然後法拉會釋放戰鬥精靈[小心D，佢隻戰鬥精靈一d都唔易對付]，準備好就可以搵法拉，打倒法拉的戰鬥精靈就可以得到星辰鎖匙，然後再番去搵森耐斯交代事情，跟住就會得到神聖武裝之魔力源&2千3百萬Exp做獎勵嫁，最後將兩條鎖匙交俾建築工匠．剛德就正式完成任務喇>~