鼠鼠割廇手術一問

A.唔知係咪肯定左係腫瘤呢?因為如果係鼠鼠有粒野咁去睇,未必係腫瘤,可能係瘡都唔定.而腫瘤又有分良性惡性,所以好難話去睇要幾多錢

我自己既鼠多數好老先會有腫瘤,我就只會俾鼠鼠食藥,唔會做手術,所以我既鼠就未試過,但聽網友講去大圍一般咁既情況,$700-1500都有,視情況而定
如果之前睇過第個醫生再去睇,就會再貴d

做手術前係要俾醫生睇過,check晒野之後,要做手術既話,要再約時間做既,唔洗擔心第一日去帶唔夠錢,而去大圍最好就係約DR.TIGER/DR.LAM

B.差唔多一歲我覺得做手術都可以的,但最緊要係睇返你隻鼠既情況係點,又唔知你隻鼠粒野生在邊,都好難講,你可以到時問返醫生,如果真係太難醫得好,或者就要考慮自己打算點
做完手術鼠鼠身體都會差d,之後可能都會短命d,醫既過程當然都辛苦,但有d情況唔做手術就分分鐘好快死

一般睇返粒野林既話就係瘡,硬既就應該係腫瘤,如果係瘡既話,其實未爆時處理鼠鼠就唔會太辛苦,獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中

腫瘤既話應該會照下,再做手術整走佢,如果係良性既,唔太大粒又唔會不斷愈唻愈大既話,可考慮唔割既,但都最緊要問返醫生係點樣

C.睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好)
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

D.去睇醫生之前記得諗定有咩要講同有咩要問,例如鼠鼠有咩唔舒服,要唔要覆診,,藥點食之類,亦記住要寫低醫生講既野

擔心鼠鼠既時候,好易唔記得野同講漏,所以唔好怕煩,寫低晒d野安全d

2007-08-21 22:51:31 補充：
其實鼠鼠係可以做手術,但愛護動物協會儀器問題,多數手術都會話做唔到,再提議到大圍既

我d hamsters 試過,,,
不過bring佢地去愛護動物協會, doctors(外國)佢話佢地太細隻
接受5到d手術ge "ma醉藥" , 通常做完都好快死 (因為d藥係for d 大型寵物)
doctor佢只會俾d藥控制病情!
同埋d手術好貴 - 都要$1000左右
醫生檢查同藥都要$500度