想學彈古典音樂, 但請問電子琴彈唔彈到架?

1) 電子琴一樣可以彈古典音樂, 不過唔會容易d,因為兩者一樣要學睇琴譜, 基本上係彈既力度唔同, 其他學既野都係一樣, 例如拍子,音符都係一樣要從頭學起
2) 如果你喜歡古典音樂, 學鋼琴會好d, 因為鋼琴音色好d,而且電子琴做唔到大細聲, 即是你無論你用咩力彈都係得同一個聲亮,咁彈古典音樂係唔好聽, 而且電子琴琴鍵太輕身, 會學唔好彈琴既手勢
3)琴行當然好過工聯會, 琴行係一對一上堂,而且老師質素應該會比較好,其實你可以試下報工聯會學下d基本野先, 順便睇下自己有冇興趣學
4) 未買琴之前你可以去琴行租琴練, 甚至可以成個琴租返屋企, 咁就鐘意幾時練都得, 通利同一d細琴行都有呢個服務, 月費間間唔同, 大約3百幾蚊左右,如果你真係想買新琴, 當然係買鋼琴最好, 我唔見議你買2手, 因為太多問題, 有d話係日本display琴,其實係假貨,或者係好舊既2手琴再翻身, 質素太參差, 寧願買新既大陸琴都好過買2手"日本"琴, 我有d學生買左所謂既係日本display yamaha鋼琴,好多用用下都有問題出現

1)keyboard應該係你講的"電子琴",keyboard 分3大系:organ , piano , synth
鋼琴系:
包括埋古典鋼琴 , 都算keyboard

古典鋼琴係鋼琴其中一種style , 如rock , blues , pop ......
所以技術上係一樣的 , 只係彈的style唔同


synth , 即合成器(workstation 都係其中一種)

作用係扮其他樂器 , 或出電子聲
例如好多時band 聽到的string , brass 等等都係佢出的
synth亦扮到鋼琴 , organ
但呢2樣野好難扮 , 同埋多數為左方便 , 所以多數唔會用synth 的鋼琴 , organ聲
synth由electone演變出來的


鋼琴同電子琴係2回事
睇你中意pop定古典架咋
識鋼琴唔會識keyboard,識keyboard唔會識鋼琴


2)你話中意古典,我覺得你玩鋼琴啦
如果你想一班人夾band,又中意pop.jazz,blue,咪學keyboard囉


3)工聯會d阿sir好參差
你寧願去通利柏斯,或者搵私人
初學大約400一個月,一個月有4堂

4)都係睇你,係學鋼琴就買鋼琴
係學keyboard就買keyboard
鋼琴通常係買yamaha
keyboard初學都係yamaha
你到時上堂問阿sir,miss,佢應該會答你


最後提下,電子琴都可以因應大細力,而發出大細聲,好多人誤解
唔可以大細聲個d,多數係bb玩具,個d玩具,連chord都彈唔到,唔好玩啦

2007-08-14 12:31:00 補充：
另外鋼琴都有jazz,blue架真係好睇你中意玩咩

1)電子琴好似易d, 但彈唔彈到架?
樂器冇話邊一種難o的、易o的，每種樂器都有佢o既特色，其實電子琴都唔係易，佢有咁多掣，可以製造咁多唔同o既效果，如果要配合得好都唔係一件易事。
至於要彈古典音樂亦都冇話彈唔到，但係必須要加一個sustain pedal，唔係o的音會斷晒。不過要注意，電子琴比鋼琴o既音少，好有機會會唔夠音彈。而且效果當然冇鋼琴咁好啦。

2)咁我應該學鋼琴定電子琴ar?(但我已經廿幾歲架la!!)
學樂器年齡唔重要，最重要係要有興趣同恆心。選擇邊一種樂器應該根據你o既興趣，如果你鍾意彈流行曲，電子琴可以製造到好多唔同o既節奏同聲效，所以學電子琴會適合o的。但係如果你o既興趣係古典音樂，學鋼琴就會比較適合，因為彈出黎o既效果會好好多。

3)因為錢唔多, 所以想報工聯會d course, 但請問好唔好架?定去琴行好d?
始終單對單點都比班際好，老師可以因材施教嘛。

4)但我仲未有琴, 諗住真係有恒心學先買, 如果真係買琴應該買邊種琴好, 比d 意見我, thx!!
呢樣我諗等你決定買鋼琴定電子琴先再打算啦。

我都好中意 古典音樂 ga！

1.應該就彈 ge，因為電子琴係由綱琴演變出來的。
2. Of course 綱琴，年齡唔係一個問題。
因為電子琴只不過是方便我地的工具而演變出來的，
所以我認為你應該先打好基礎 ----- 學綱琴。
3.工聯會d course 多數都係 好多人一齊上，我認為你初學最好當然 一 對一 la ！(打好基
礎呀！朋友 ><')
4. 其實咩琴都得，不過因為你係初學，所以我認為 買 2手琴 較好。( 少D $$$ ga !!)

p.s.以上資料是由 一個 8 級的綱琴白痴，同一個 7 級的綱琴白痴表妹提供的意見。

1)電子琴同真琴冇話邊個易d　ｇｅ，最緊要都係你要經常練習，彈就彈到，但音色始終冇真琴好聼同靚，而且彈古典音樂用真琴正規好多。
２）學野係唔ｆｕｎ歲數嫁，你有心想學都得。
３）個人認為琴行專業ｄ，而且係１對１，唔洗就其他人。時間都可以就番自己。
４）緊係買真琴啦！電子琴好易彈壞手嫁！其實你去學鋼琴，唔一定要買琴ｇｅ，你都可以去個琴行提供ｇｅ練習室到練琴，一般你去琴行學琴，都會有ｃｏｕｐｏｎ（練琴用）比你，不過如果自己有個鋼琴就緊係最好啦，日日都可以練習，練幾耐都得！

如果你係住係ｔｋｏ個頭，我可以介紹你去我２家姐ｇｅ琴行，ｄ老師好有心機教你嫁！

2007-08-14 01:25:23 補充：
1)電子琴同真琴冇話邊個易d　ｇｅ，最緊要都係你要經常練習，電子琴彈就彈到古典音樂，但音色始終冇真琴咁好聼同靚，而且彈古典音樂用真琴正規好多。