清潔牙齒的問題

✔ 最佳答案

正確方法是 :
先用牙線, 然後刷牙, 最後用潄口水.

我通常的做法是:

將牙線拉出1 呎多, 打結, 並慢慢清潔每一個牙縫;

用清水潄口, 沖走牙縫的穢物;

刷牙 (起碼 3-5 分鐘);

潄口後, 再檢查牙齒及牙縫, 如果發現牙縫仍有穢物, 再使用牙線清潔該部分, 並快速刷多一次該部分; 或牙齒與牙肉之間仍未清潔妥當, 再刷多一次, 直至乾淨為止.

至於潄口水這部分, 我通常不用潄口水潄口. (潄口水的作用是防止牙菌膜的形成. 我的做法是每次吃用東西後, 都一定用清水潄口, 清潔口腔. 你用潄口水也是一件好事, 口腔會更加清潔)

另外, 你看來也很注重牙齒及口腔清潔啊, 這裏有一點點我的心得, 你若不介意的話, 很願意與你分享 :
1. 不要食太多醃製零食 (譬如: 話梅, 檸檬乾...我有位朋友自小愛吃這類零食, 20 多歲, 大部分的牙齒都腐蝕了).

2. 食完嘢, 要飲些清水或用清水漱口-------記住, 好食完嘢唔好立即刷牙 (因為此時琺瑯質呈最輭狀態, 立即刷牙會傷害牙面的琺瑯質), 待約20-30分鐘後才可以刷牙.

3. 勿用牙咬堅硬的食物, 如排骨,豬扒骨等等; 至於瓜子或硬殼果, 可用剝瓜子器, 除殼器幫助.

4. 刷牙的心得: 我通常唧咗牙膏後 (約1粒黃豆般大), 就離開廁所, 睇電視或睇書, 一路輕輕力刷牙 (建議你唔好喺廁所對住塊鏡刷牙, 因為你可能企一陣就無心機企, 草草用力刷完就算). 起碼刷3,4分鐘. 要溫柔及輕力些, 並不時用條脷掃吓啲牙, 邊度 '嚡' 啲, 即係嗰度未夠乾淨, 便刷到滑為止.

4. 唔好大力刷牙, 一來, 會令牙肉收縮而令到牙與牙之間有牙隙, 並會引致牙齒敏感 (即飲涷水, 食雪糕, 會牙 '赤' ); 二來, 會刷花牙面, 牙面花咗更易藏漬. 晚上臨睡前, 先用牙線清潔牙縫, 再刷牙. (平日多用牙線取代牙簽清潔食物渣滓).

5. 選用細刷頭的牙刷. (我用 Oral B 的, 通常買 30-35號, 或買 Oral B 的兒童牙刷), 牙刷頭細些, 可以方便你伸入些刷入面的牙齒. 唯一唔方便的是兒童牙刷的刷柄可能短些, 無咁就手, 但用用吓就慣啦.

5. 洗牙對你保護牙齒有很大幫助, 因為洗牙是清潔牙漬, 並去除由牙菌膜引致的牙石, 有效防止牙周病. 記得, 每隔最多一年至年半便去見牙醫, 讓他驗查牙齒及洗牙, 預防勝於治療呀.

這裏有一個政府網頁,教你認識牙齒及有護齒祕訣, 得閒上去睇去啦 !
牙齒俱樂部 www.toothclub.gov.hk/

希望你擁有一副健康的牙齒啦 !!!

回答 (2)