✔ 最佳答案
我覺得柏寧酒店Cafe One幾好,,去過兩至三次,,
係一度會考慮再去食buffet既地方,,
記得我第一次去見到個場係嘩一聲,,因為真係好大,,大得黎又唔係空曠果隻,,
係真係有好多野食,,
1. 沙律有好多款,,我唔鍾意食生菜果類,,都有其它款,,多款到會揀到自己o岩食既,,
飽同芝士都有好幾隻,,d芝士應該都唔係cheap野黎架,,不過我唔識欣賞啦,,
2. 日式野呀,,例如魚生壽司果d就實有架啦,,係有個師父即切既,,
3. 仲有好多海鮮,,但係我唔係好食海鮮,,所以我唔知好唔好,,不過我見我d朋友都係咁食同讚鮮味,,
4. 熟食就有一區印度野食,,可能因為佢有d印度廚師掛,,我覺得好好食架,,同埋平時又少機會突登走去食印度野既,,仲有pizza呀,,羊架,,牛果d啦,,而佢都有個中餐區,,有點心,,叉燒燒鵝,,中菜,,炒飯等等,,同埋有碌麵烚菜,,
5. 湯就有中西湯兩款,,我去親都唔同,,
6. 甜品就正喇,,本身我自己都好鍾意食甜品,,佢果度有個開放式廚房,,其實果度你係會睇到晒佢地d廚房架,,熟食果邊都會睇到,,佢地係o係裡面即煮即refill,,所以感覺d食物都幾新鮮,,同埋睇到乾唔乾淨果d,,講番甜品先啦,,甜品區果個廚房係會定時有d熱甜品出架,,有個大焗爐o係到,,我就試過疏乎厘同火焰雪山,,其它蛋糕甜品果d都ok好食,,而且果度有朱古力噴泉同夾餅同自己可以o即雪糕,,幾特別,,
唔好意思啊,,價錢我唔係好記得喇,,我去果時大概都係三百多d,,果時唔知用咩信用卡有9折,,或者你打電話去問下先啦,,電話係2839 3311,,希望可以幫到你:)