我女朋友話我個人好悶,其實拍拖有幾多嘢可以做?

哈哈，其實我男朋友都好悶架，但係有時佢又會俾吓小驚喜我，會令我開心到唔記得咗佢係一個悶到爆嘅人。
本身我有鼻敏感，係唔可以收花，但係喺上年我生日嘅時候，佢搵花鋪送咗束花上嚟我公司，喺嗰一刻真係會好感動架。
所以有時只要你平時多少少留意佢，你就會知道得閒可以俾啲咩驚喜佢，當你有咗呢個驚喜，佢就唔會記得你悶，只會記得你錫佢~~~
如果係放假，你可以試下同佢去吓沙灘、去赤柱行吓街，或者元朗有個工藝坊架，入面有好多小工藝可以俾人做，你可以同你女朋友去玩吓，等佢開心吓，令佢認為你都有花心思去唸放假有咩做~~
重有呀，情人節都要送花俾佢呀，但係如果驚貴，你或者可以試下情人節前兩日訂定一束花，但係同花鋪嘅人講聽日嚟攞，咁情人節前夕攞咗之後，可以放住喺屋企先，放一日都唔會謝嘅，咁到情人節正日，喺佢收工果時上去佢公司，當面送俾佢重好過搵花鋪送去好得多喇~~(重可以平啲，唔駛捱貴花)
希望對你有用喇~~^.^

其實情趣要自己create既^^
你可以周不時送d野俾佢
例如花呀(一支就ok啦,太多會俾人感覺好老土), 鍊呀嗰d
佢覺得你悶你就講多d野
佢鐘意的野你表現得有興趣d
多d關心佢
陪佢多d
講多d佢鐘意聽的野
無論係笑話,情話,定送禮物
你最緊要表現得好有誠意
表現得好鐘意佢,好care,
做咩都主動d
而且多ｄ笑
就ok啦
如果你次次出街都一副打發時間的樣
人地都出得唔開心啦
唔一定要做太多行動的
總之傾多d計(語氣唔好好似就來瞓著), 多d帶佢玩, 多d笑就ok的啦^^

唔一定要二人世界, 可以約佢d fd同你d fd一齊玩(行山, bbq, 唱k, 屋企開party...), 咁就唔會咁悶, 又可以有共同朋友.

其實拍拖最忌就係兩個人既 興趣/性格/嗜好 一樣
如果你同你女朋友興趣差唔多既話
真係要做番d野喇!
要俾多d新鮮感佢
而家拍拖唔係去mk睇戲唱k咁無聊
同一個普通人有咩分別?
做一d平常佢唔會做既野
如果佢係好靜既..帶佢去踏單車
除非佢唔識踏單車喇= ="
如果佢平時好好動既.
不如試下帶佢去睇星
8月好多時有流星雨
詳細日期你自己揾喇
希望幫到你=]