我想買二手樓，上手業主是負資產

其實你真係唔使担心咁多, 只要你認為間樓你好鐘意, 又夠平買得過, 你就快啲去買嘞.
如果你係經地產代理買的話, 佢哋應該會要求你將所有要付的訂金(包括臨時訂金同埋大訂)都以支票直接開俾代表賣方的律師樓, 並在臨時買賣合約上註明所有的訂金都直接俾賣方的代表律師樓託管, 直至賣方證明到樓價尾數足夠支付銀行的按揭欠款(以及註咗喺田土廳的所有債權人的欠款, 如有的話),先至可以將訂金放俾賣方, 如果賣方唔能夠證明到呢樣嘢, 咁所有的訂金就會一直由賣方律師樓託管, 直至成交嗰日.
其實, 就算業主200幾萬買入, 120萬賣給你,都唔一定係負資產, 係唔係負資產, 要睇埋業主到依家為止仲欠銀行幾多錢, 如果欠少過120萬就唔係負資產, 至多係話佢蝕得好慘啫.
又如果佢真係負資產, 即係賣咗樓嘅錢都唔夠還銀行, 咁除咗以上所講, 要將訂金託管喺賣方律師樓之外, 仲要喺臨時合約度加註:到成交之日賣方須將尚欠的錢(銀行欠款減去賣樓所得的錢)送埋去律師樓, 以便俾埋銀行,等銀行放契, 咁你就成交到嘞.
其實,業主賣樓嘅時候, 賣到幾多錢, 仲欠銀行幾多錢, 如果唔夠冚的話, 自已夠唔夠錢填數,佢自已應該心中有數, 好少會話矇查查就收訂簽約嘅, 除非有心欺詐啦, 所以如果你寫明將訂金託管喺律師樓咁咪冇事囉.
你亦都唔使担心簽約時田土廳淨係有欠銀行錢, 但到成交嗰日就突然多咗好多其他信用咭欠數呀加按呀咁, 因為你的買賣合約註在田土廳係即時有效, 但其他債權人要押記在田土廳呢, 就要一個月後先至有效, 而喺你註咗買賣合約之後的債權人的押記係影響唔到新買家的權益的, 所以只要你的買賣合約註咗喺田土廳, 押記嘅嗰日之前有幾多押記就有幾押記, 之後就算再有多啲嘅押記都影響唔到你嘅買賣嘅嘞.

你已想得很詳細了，我之前買了破產物業，是跟銀行買的。入伙後，最困擾我和家人的，是時常有不同的銀行和大耳癃上門追數，又有不少追數信寄來，要花不少時間通知對方，上手業主已破產，有的甚至要求我將印有現任業主姓名的管理費收據傳真給他們，他們才停止追數。

所以，我認為你應做以下事情:

1)查清楚上手業手有否拿單位做二按，或借了大耳癃;
2)請業手出示供樓結欠單，了解單位供完沒有;
3)他有否欠管理費未交。你可向管理處查詢;
4)委託律師時，要清楚將背景資料告訴律師，請他份外注意。
5)要查清楚他是以個人名義，還是以公司名義購買單位的，若是以公司名義，要查清楚公司有否負債。
6)宜在合約列明，有關這單位的所有負債，你不負責。

雖然我買了單位有不少麻煩，但我也認為值得。所以，若你也喜歡該單位，而以上所提及的問題俱沒有的話，而該單位又較市價低的話，也值得買。