健康服務助理

或者你須要了解一吓健康服務助理和保健員工作上既分別。

健康服務助理：主要工作範圍喺响醫院病房協助護士照顧病人，直接聽令於當值護士：包括扶抱病人、更換尿片、病房清潔、餵食、準備管飼、沖凉、穿衣、運送病人或文件或化驗到其他部門、甚至病人死後療理等。即喺以前病房（亞嬸），而家叫（亞姐）。

保健員：主要工作範圍喺响安老院舍照顧體弱既人，直接聽令於主管或老板，包括扶抱院友、更換尿片、餵食、準備及進行管飼、沖凉、穿衣，另外需要派藥、量血壓、注射胰島腺，處理院友各項記錄，有啲院舍甚至要保健員兼任主管。好聽啲，人家會叫你聲（姑娘）

人工、工時及福利當然健康服務助理較佳，有問題可向當值護士查詢，但响醫院階級較低，及主要付出勞力。保健員有一腳踢既感覺，但如果做細院舍，有主管feel。有機會可以轉去啲大院舍做總管。

你可以參考香港專業護理學會既課程：http://www.hkspmc.org/home02.html

如果你有急救証書及有關護理証書，實有人請。

你年紀咁細，好似入醫院做健康服務助理，有啲安全感，話哂有護士傍住，好過响院舍，家屬或院友惡起上嚟，都佮你細佬女。

上邊個個就講得既工作分類就岩...
但係唔係個個18歲唔岩做保健員既....
18歲就會俾人蝦架咩~~

我18歲女仔就讀保健員........19歲入職.....而家都幾好....
如果你係做健康服務助理..一來無進升機會.....二來有好多護士都唔係好教人架咋....
係醫院做係有安全感d....但係一世無得升.....咁後生...唔升點得呀....成世人都得6~7千蚊人工呀??

如果係保健員....好似我咁....一來私院人手緊張.....請人唔係咁容易....人工一定係一年比一年多....我入職1年幾...而家都差唔多一萬蚊人工..........係私院就真係你做幾多得幾多.....你做得野就一定有得升.......但係醫院通常一個職位都無大既差位........

而家咁後生唔博等幾時呀??

希望幫到你啦.........如果你讀得成........有註冊一定有前途姐~^^

健康服務助理同登記護士係唔同既,
健康服務助理係讀一個 short course,會教你一D 基本護理知識,例如量血壓,驗小便,執床,餵食病人...面登記護士除左上述既工作外,背後既理論都要知,仲有登記護士係要受訓兩年,一邊出病房實習之餘,仲要考幾次試,兩次 fail 就要走人,之後仲要考多一次 nursing council 既公開試合格先可以註冊拎牌做登記護士,要求嚴緊好多.


讀完健康服務助理當然可以 apply 醫院的健康服務助理做啦,但唔好諗住可以升做登記護士,係兩樣野黎架.

2007-08-13 20:35:11 補充：
我依家就見醫院都好多後生D 既人做健康服務員囉,人地幾多歲就唔知啦.冇得升架,做登記護士都冇,只有做註冊護士就有得升,但都要不停咁讀書,拎學位.