3至4歲學鋼琴好還是電子琴好呢? 哪裡學比較好?

我諗首先要睇下你個小朋友專注力如何，
因為學電子琴又好，鋼琴又好，
一定要專注力好強先可以學到野。
好多3、4歲o既小朋友專注力得10分、8分鐘，
學琴會變得好浪費，
亦會令到小朋友對音樂冇左興趣。

如果你覺得你個小朋友專注力未夠o既，
可以去上一o的兒童音樂班，
係o個o的班會用一o的較生動有趣o既方法教小朋友睇譜，數拍子..........
上完音樂班之後，如果佢對音樂真係好有興趣先再學樂器。

但係如果你覺得你個小朋友專注力好強，
手指力度亦夠(因為我見有o的太細o既小朋友根本冇力按琴鍵)，
可以試下學鋼琴，因為比較正統o的，將來再轉學電子琴都得。

如果佢真係太細，手指唔夠力，
我諗學學電子琴比較好，因為電子琴o既琴鍵會輕o的。

鋼琴所有琴行都有得學。
兒童音樂班，一o的大o既琴行有開辦。eg. tom lee，柏斯...........
至於電子琴，通常初學都係班際，係大琴行就有得學。

學費方面，初學大概$600。

3至4歲學鋼琴好