有關動物之森--急(15分)

1. 你首先挖一個洞，然後打開自己既袋(按Y制)，係水果度按Ａ制，選“plant”，咁樣就可以種架啦。
不過，唔係所有地方都可以種到樹，所以我建議你第一個水果（比較珍貴）用個比較安全既方法好ｄ。方法就係：你首先找一棵樹用斧頭砍斷佢，之後用鏟鏟走樹根，再用平時種樹既方法種。咁就一定會種到樹出黎，唔駛擔心浪費個水果。

2. 大約3日度會生返出黎。

3. 水果樹唔需要淋水，只有花同紅蘿蔔先要淋水。花就得佢謝先淋都得，但紅蘿蔔就一定要每日淋水。

4. 你要買佐捕蟲網先，之後見到昆蟲時要慢慢行埋去，大約一個身位既距離先按Ａ制。如果行太快，ｄ昆蟲會飛走架。不過，捉昆蟲比較難較位，要靠自己經驗去試多幾次先得。
捉到既昆蟲，你可以唔俾博物館，不過，如果你交俾博物館既昆蟲齊晒所有品種，你就可以得到金捕蟲網。所以，都係捐俾博物館先啦。

5. 魚既出沒時間唔一定架，要視乎品種。有ｄ魚只係某個月既某個時間先會出現。村入面每個有水既地方都有唔同品種既魚架，你要每個地方都試下。每條村魚既數目應該係一樣既，我諗可能係開機既時間唔 match，所以冇咁多魚。你可以試下唔同時間開機，或者會有多ｄ魚架。或者你離開海邊或河邊一陣，再行返去，都會有返魚出現。（今個月係海邊仲有機會釣到鯊魚添呀！你可以試下）